اطفال طليقة زوجي ومشاكلهم!!

الآن خلينا من الأم.. رمتهم لأبوهم (( ماندري عن ظروفها يمكن الاطفال معنفين عند أهلها او منها ،، يمكن ماتقدر تخرج وتدخل وتغير جوهم ،، كثير مطلقات مذلولات عند أهاليهم وحتى أطفالهم عايشين في ذل،، آخر شي انها مو كفو للتربيه)) لهنا فهمتي مقصدي!!!!! وش الافضل يكملون حياتهم مع أمهم عايشه بعذاب او أم ماهي قادرة على تربيتهم وإلا يرجعوا عند أبوهم؟؟؟
طبعاً يرجعون لأبوهم ويعيشون حياة هنيه عنده وبكرامتهم.. الآن هم في الخيار الصح خلاص الأب يطنش؟؟ وزوجته تتحسب على أمهم وتشتكي منهم؟؟
لا حبيبتي ابوهم لو هو حاس فيهم والله مايتركهم بهذا الحال ((مولازم يحمم ويحفظ ويدرس ويأكل مع إنه لو عمل هالشي ذولا أولاده ولا هو عيب أو حرام ومايدري يمكن اذا ربي كتب له عمر يحتاج لأولاده ذولا يحممونه ويلبسونه ويأكلونه))

اقل شي يسويه بحقهم يجيب لهم مربيه خاصه.. يوديهم مراكز تخاطب ،، يفهم ليش الولد يصرخ ،، ليش الولد يكذب وهو صغير!! ايش حده على الكذب ،، ليش مايعرفوا يطلعوا الدرج ،، ليش متأخرين عن اللي بسنهم؟؟
التربيه أكبر من إنه يوفر لهم مسكن واكل وشرب ويقول خلاص سويت اللي علي..
الله يعينك انت على تفكيرك انتِ اللي مخليه الرجال مسؤولية الرجال الوحيده انه ينام مع زوجته ويخليها تحمل وبعدها خلاص ماعاد له دور ولا مسؤوليه الكرف كله على الزوجه لانهم عيالها لوحدها 😅 الزوج ملك عيب عيب ينتبه لأولاده وفضيحه لو درسهم وعلمهم الصح من الغلط ههههه إهانه بحق الكائن المقدس🤣


ولعلمك فيه آباء يدرسون عيالهم ويعلمونهم الصح من الغلط ويعلمونهم الحروف و الأرقام ويأكلونهم ويشربونهم حتى يعلمونهم من صغرتهم على الكلام والمرجله وكيف يتصرف ويرحب ويصب الدله.. وأمهم موجوده معاهم بعد.. ماهم أعز ولا أكرم من الرسول صلى الله عليه وسلم روحي اقرأي عن تربيته ومواقفه مع الصبيان والأطفال وهذا وهم ماهم أولاده وكيف تعامله مع بناته رضي الله عنهم ..

قالت ايش قالت الله يعينك على تفكيرك😅
عاد واضح تربية أولادك ماشاءالله بيرفكت وغير مزعجين لانك أمهم ومعاهم ،، ولو عيال زوجك اولادك كان مداك من مركز لمركز تدورين حلول لهم ... لكن مساكين ماعندهم أم يصرخون ويتبولون وينلعثمون الين الله يفرج همهم ويصحي ابوه من غفلته..

على فكرة انا حاسه فيك.. الوحده تمر عليها اوقات تطفش من اولادها اللي من بطنها.. خلي تتحمل مسؤولية اولاد غيرها وكمان خوف من انها تظلمهم في شي.. لذلك الغلط راكب راس أبوهم المفروض مربيه او زي ماقالت وحده من اابنات يكونوا عند امه او اخواته مع انه محد منهم مجبور.. اولاده مسؤوليته لوحده يتصرف ومنها يوفر لك حياه هادئه.. لكن رمى مسؤوليتهم كلها عليك وانت في غفله شايفته مسوي الواجب واكثر

الله يكتبلك الاجر فيهم حبيبتي
واصلي بالدعاء
وبإذن الله الموضوع ينفك

وعليكم السلام ورحمة الله وبركاته .
الافضل الاطفال يردون حق امهم وزوجج يتكفل
في مصاريف علاجهم اذا هم عندهم صعوبات بالكلام والمشي .
الفتره هذي اذا زرتي اهلج مثلا يروحوون معاج ..؟
وترى غالبا مافيه مربيات الموجود خدم .
والخدامه تنتبه لهم بس ماتعلمهم السلوكيات والكلام
والعلم عند الله .

الله يسخر قلبك لهم ويحنن قلبك عليهم
ويصلحهم ويهديهم
بالنسبه للولد يمكن عنده ضعف سمع عشان كذا يرفع صوته ي عمري عليه