ضاقت فيني الوسيعه
يسعد لي اوقاتكم جميع انا عضوه جديده سجلت لاني محتاجه اتكلم وافضفض عن اللي بصدري حتى لو ما لقيت رد او حل من اي احد انا انسانه متزوجه من ١١ سنه حياتي بالبدايه حلوه وسعاده وحب ومن هالكلام بعد ولادتي بولدي الثالث انقلبت حياتي عكس صارت علاقتي مع زوجي متوتره ونرفزه لا عاد فهمني ولا فهمته مهما سوا ماياثر فيه احاول اتقبله بس تصرفات تصدر منه تخليني ابعد اربعه شهور بعد ولادتي مانمت بالغرفه نايمه انا وولدي بغرفه ثانيه مااهتميت بنفسي مثل كل نفاس كنت تعبانه منتهيه بمعنى الكلمه اكلي كان توست بر وحده صباح ووحده بالليل جف الحليب ولا عاد تقبل طفلي صدري بعد اربعه شهور زانت اوضاعنا شوي بس مو مثل قبل كل شي بحذر ليه ما ادري ولادتي ما اعطاني هديه ولافرح قلبي لو بشي بسيط كان يطلع ويتركني اتعذب مع ولده مغص والصغار الباقين كنت اصارخ وابكي واشق ملابسي كرهت عيالي وهو معهم لا نطلع الا بالشديد القوي اهم شي اهله ونفسه وسهراته الى الفجر ويطالبني اول ما يجي اللبس واتكشخ ماكاني انسانه طاقتي ونفسيتي صفر اطلبه يسوي سني من شهر خمسه توه بشهر ٨ سواه ماعاد كليت والمشكله يقول ماطنشتك كيف الاستهتار وهو قبل لو اقول آه جلس جنبي وخاف وانتبه ما انكر ان له مواقف معي ما انساها له طول عمري واشكر الله انه كان جنبي وقتها بس حياتي انقلبت اللحين يسالني وش فيك صار لي اسبوع متنرفزه لا اكل لا شرب نفسيتي خايسه مع الصغار وتوه ينتبه قلت ولا شي لاني مثل كل مره اتكلم يلقى لنفسه مخرج واطلع انا الغلطانه وهو البرئ لا صديقات لا احد بس اهلي اروح لهم ومشاكل وتوتر عندهم اكثر واكثر يعني مافيه راحه لا بيتي ولا بيت اهلي ادري كلامي ملخبط بس لاني ابغى اتكلم صرت افكر اقتل نفسي وعيالي واتعوذ من الشيطان واقول حرام مستقبلهم اش ذنبهم احنا اللي جبناهم تعبت وربي تعبت