👶🏻🤍تباشير 11 لمواليد مارس٣ وابريل ٤ لعام ٢٠٢١ 🤍👶🏻

اهم شي لاتشربينه بس شم لانها قوية

ياقلبي يالمغتربه الله يحفظهم لك ويبارك فيهم ويعينك ويقويك
شلونكم شلون صحتك انتي
وشلون صحة البنات عساهم مستقرين وزانت اوزانهم

ايه تخف الحركة قبل الولاده

اكشني
مثل ما تعرفوا الاربعاء دقات قلب البيبي كانت مو مستقره رحت الحكومي قالو تعالي تنويم للاربعاء
خبرت البنات والكل نصحني ما انتظر جزاهم الله خير اتصلت فدكتورتي وقالت تعالي الحين ورحت لحد ما وصلت لا زالت دقاته مو مستقره وكتبت لي تنويم اجيهمالخميس مم الصبح بيجربوا عندي تحاميل طلق
رحت الصبح الحمدلله استقرت اموره ودقاته وحطولي التحميله الاولى ١١:٤٥ تقريبا ابتدت الالام بعد نص ساعه لكن محتمله خذت شاور حار ع ظهري وتقرفصت وامشيف الممرات تغديت ونمت من التعب وتقومي الطلقات بس لازالت محتمله
ووخلص مفعول التحميله الساعه ٥ ونص يأست 🥲
ساعه وجاني ألم قوي عرفت انه ابتدا الجد ورا بعض من الساعه ٦ وربع
بنات اوصيكم بالعسل والزعفران في الماي هو اللي نفعني وتمر اكيد
المهم جات السستر خبرتها انه عندي ألم قالت امشي وتشوفني امشي واذا جات الطلقه اتقرفص وهي تشجعني وتقولي شاطره يلا
قاست االرحم الساعه ٧ كان ٢ سانتي 🥲 تحطمت كل هالالم
لكن خلاص حطيت فبالي ابي اخلص واستمريت امشي واتقرفص وزعفران وعسل وتمر جاتني الساعه ٨ ونص شافتني منهاره قالت بعطيك ابره تخليك تنامي بين الالامقلت هاتي اي شي وعطتني ابره خلتني مدوخه كان فاتح وقتها ٣ بس لحد١١:٤٠جات لقتني تعبانه خلاص ومو نايمه قاست لقته ٥ ولتحت كيس الماي قالت ممتاز العنقلين اذا وصل خمسه خلاص بيفتح اسرع تقولي العمليه عندك ممتازه لكن بطيئه قالت بناقش مع الدكتور ه شي وارجع لك راحت شوي وجات قالت بنحولك للولاده وبنعطيكنتفة طلق بالوريد يسرع الولاده قلت مواففه اهم شي اخلص
دخلتني الساعه ١٢ وربع واودع زوجي واوصيه وهو يقولي صل عالنبي اهم شي انتي☹️💔 .. وامي جات عندي صراحه ماقدرت ابي حد عندي ضروري الله يآجرهاويخليها لي 😢
اول ما تحط الطلق انط ذيك النطه من الالم اااخ بس حسيت مو قادره اتنفس حسيتها النهايه اقول لأمي امي عيالي امانتك واتشهد 😭😭 ابن ادم ضعيف 💔
المهم وتقيس قالت ٧ اقولها حلفي وامسك ايدها وين حلفي هي كافره ليش احلفها 😅قالت يس
دقيقتين وحسيت بالدفع اقولها يدفع خلاص وتقيس وتلتفت عالسستر الثانيه تقولها بسرعه نادي الدكتوره هو فعلا صار ٧ 🤭 شكلها كانت تمشيني لما قالت سبعه قبل
وتفتح السرير وتقرب الاغراض ودخلت الدكتوره ركض وجزاها الله خير تشغل قران من جهازها عند راسي سورة الرحمن وتقرا معه وتساعدني ما اوصف لكم الشعور الليجاني انا مدوخه مو ف الدنيا بسبب الابره وقرآن وهي تقرا وألم والاضاءه الصفرا ف عيني شعور غريب يارب لك الحمد ع الخلاص المهم وربع ساعه وصار عشره وتقوليدفعي يلا يلا وادفع وادوخ وواخيرا طلع لي صوت
والدفعه الثانيه ادفع مافيني طاقه تقول مسكي رجلك ساعديني قلتلها مافيني طاقه خلاص طلعوه
وقمت اصيح خلاص انهرت القابله قهرتني تقول هذا مو وقت صياح الحين لازم تتقوي والدكتوره تقولها حرام عليك البنت صبوره خليها تعبر ف النهايه ألم شديد وهيانسانه
سبحان الله هالجمله كأني كنت احتاجها وادفع بكل ماعندي همي بس يطلع والدفعه الثانيه طلع حبيبي الساعه ١:٠٥ الفجر😭😭😭 بكى شوي وسكت جابته فوقي وانا مو قادره حتى اشوف اقولها ليش مايصيح شيليه بيطيح ما اقدر ارفع ايدي
والحمدلله ع الخلاص وهذا هو الامير يسلم عليكم 🥰
بنات مافيه مثل الدعاء احنا وقتها مالنا غير الله ينقذنا ويخرجنا مخرج خير
ركزوا بالدعاء والالاستغفار والصلاة عالنبي وقتها هذا اللي نفعني الحمدلله ♥️

يسعد صباحكم

بنات وش افضل نوع حلبة. اسعفوني.... ياحلوات ياقمرات