ليش يخافون من نجاحها؟؟

موضوع تافه ولا حتلقينله جواب , لان الغرض منه فش خلئ على قولة اخوانا الشاميين


السالفة ومافيها انك قريتي كم تعليق بيوتوب ماعجبك وجايه تلمي الخلق يتحلطمون معك عن (الذكور) على قولتكم


كل كلامك عن ان المرأة افضل من الرجل في كل شيء ولا يعيبها شي غير الرجال كلهم فاشلين وعنصرين وانانيين ( مع بعض الاستثناء على قولتك )


كلها كلامك تقليل للرجال وفي النهاية تقولي ليش الرجال يقللون من النساء ... سبحان الله


لا تنهى عن خلق وتأتي بمثله , عار عليك اذا فعلت عظيم


الرد على الشواذ من المعلقين في مواقع التواصل لا يكون بالمثل , اذا شخص قلل من المرأة ما نرد عليه بالتقليل من الرجل


( وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا ۚ اعْدِلُوا هُوَ أَقْرَبُ لِلتَّقْوَىٰ ۖ وَاتَّقُوا اللَّهَ ۚ إِنَّ اللَّهَ خَبِيرٌ بِمَا تَعْمَلُونَ )


ختاما مايعنيك هو قوانين الدولة الي انتي ساكنة فيها , شي مسموح توكلي على الله وسويه وارمي بكلام المحبطين وراك وانتهى


لو كل مالقينا شي عالسوشال ميديا ماعجبنا جينا نتبكبك ماحنخلص , ولا نقدر نعمم على الكل من خلال السوشال ميديا لان الكلام الي هناك كله محله القمامة

-
معقولة هذا الكلام بـ ٢٠٢١ ..
بلعكس الحين المراءة تطور وتوسع مجال عملها..
ولايهمك الكومنتات اللي تقرينها مايحطم المراءة ويكسر مجاديفها إلا رجل ناقص..
يخاف يشوف اخته ولا زوجته إنسانة ناجحة ومستقلة..

السؤال اذا الموضوع تافه ليش تردين؟انت اللحين جالسه تقللين من شأني زي مانا اقلل من شأن الرجل شفتي كيف؟
بعدين ليش محروق رزك ع مفرده ذكر؟وليش وهم يقللون من شأنك ع الطالعه والنازله وماتقبلين ينقال لهم مجرد كلمه ذكر،ليش الوحده ذكوريه اكثر من الذكر بذات نفسه ؟؟؟

طيب المرأه اثبتت كفائتها بكل المجالات اللي ذكرتيها وكانت افضل من الرجل نفسه الامثله كثير ليش لازم تشككون فيها وتستميتون بالتقليل منها حتى لو كانت ناجحه

رديت على موضوعك لانه موضوعك مفتوح للجميع . وانا ماقللت من شأنك ولا قلت عنك انتي انك تافهة . قلت موضوعك تافه في فرق

ومن ردك واضح انك تدورين ناس مطفية النور تجي تسب وتمشي

على طول طلعتيني ذكورية ماشاء الله وبديتي تعممين مرة ثانية . اقرأي هالاية من جديد لعلك تستوعبين

(وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا ۚ اعْدِلُوا هُوَ أَقْرَبُ لِلتَّقْوَىٰ ۖ وَاتَّقُوا اللَّهَ ۚ إِنَّ اللَّهَ خَبِيرٌ بِمَا تَعْمَلُونَ)

والحمدلله مافي احد يقلل من شأني والسفيه الي يتكلم عني ويحاول يقلل شأني هذا مصيره التجاهل .

ورزي مانحرق ابشرك لكن لما يكون جنس انسان يستخدم كـ سبة هنا عندي مشكلة

لو جاء رجل واستخدم مصطلح انثى لاجل التقليل من شأنها انا ضد هذا الرجل زي ما انا ضد المرأة الي تستخدم هالمصطلح للتقليل من الرجل زي شلة تويتر ماشاء الله ماقصروا

ابي اسألك سؤال . وش الهدف الي تبين توصلين له من موضوعك ؟