مواعدني من اسبوع يوديني اللولو هايبر ماركت
اختار خلاط مولينكس الي زي الجيك الزجاج
انا يوميآ اطلع واشتري بس اروح معه حتى يدفع
المهم بونسكم شوي: طريقته يوديني بشرط اخلص بأقل من عشرين دقيقه دوم يبي يلحق على صلاته ( شايب مايصلي الا بمسجد الحاره) طيب ... تخيلن الماركت كبير واجري بين هالارفف وركبي ماتشيلني لكنها فرصه واحط كرتون العصاره وقطاعة البصل مولينكس ومواعين زجاج ملون جايبينهم لرمضان زي مال المغاربه الوان مفرحه واشيل حلويات للأطفال
وكيس النيدو الكبير وكراتين الجيلي واكياس الشيدر والموزاريلا اكبر حجم واجبان مليته بربع ساعه وهو اخذ الباقي
عند الكاشير مهما كان المبلغ يدفع
كان يوديني كارفور صباح كل جمعه ويستعجل يبي يقرا قرآن قبل الصلاة وانا زي المجنونه احيانا احط بالسله اشيا مو مقتنعه فيها بس وش اسوي مافيه فرصه للتفكير
اتخيل نفسي زي الي يحطوا لها فلوس كثييييييره ويقولون لها لك بس عشر دقايق وبعده وقفي ... انا كذا معاه
اخذ حتى الي ماني مقتنعه فيه بس يالله فرصه
قبل هالمره من كارفور حطيت مكينة الكنس الكهربائيه الي بدون واير يادوب الفلبينيه تعلمني عليها انها تنحط بالجرج خمس ساعات وتنظف خمسين دقيقه
وخلص وقتي لكن كسبت المكنسه الواير ليس دوم اشوفها باليوتيوب مال الاجانب ب٢٠٠٠ ريال
واليوم اللولو ... الاسبوع الجاي مدري اي مجمع بسوي فيه سباق ماراثون من هالشايب الي من خذته وهو ماعنده وقت
يبي يصلي ... بس والله استانس كأني في مسابقه!
وبس والله سلامتكن
مقهوره مره من حركه زوجي 🥺
متابعة النقاش، صفحة 3
