ام زوجي وصحن الرز 🙂💔

السلام عليكم


بما اني جالسه وطفشانه ودي اقول موقف صار لي مع ام زوجي ..
هذا سالمكم الله ، كنت مسويه عزيمه لولدي وكانت في بيتي عزمت اهلي واخواتي واهل زوجي وحريم اخوانه . واللي يعز علي .. وفي وحده من اهل زوجي ماحضرت لان بنتها كانت تعبانه وضلت معها بالبيت واعتذرت مني وزوجها وعيالها جو للعزيمه ، المهم وقت العشاء حطيت صحون العشاء وزد صحن مفطح خليته بقراطيسه على جنب .. المهم بعد العشاء وقامو نص الحريم الا ام زوجي تقولي حطي للحرمه بصحن من الزايد يعني اللي ماكول نصه انا قلت لا هذاك ماتبعثو فيه بيدهم .. انا بحط بصحن من اللي بقراطيسه وارسله لها مع عيالها سكتت هي .. شوي قامو الحريم يشيلون معي وونظف وكذا. الا هي عادت نفس السيره تبي احط للحرمه من اللحم والرز اللي ماكول وهذاك اخليه "" شكله كانت تبي صحن المفطح لها " انا انحرجت قدام الحريم بيقولون كيف ترسل اكل ماكول وفي لسى واحد جديد المهم انا خليتها ورحت حطيت بصحن من الجديد وحطيت اللحم وغلفته بقصدير واعطيت بنتها وقلت هذا. ل امك وقولي لها تمنينا انك موجوده معنا..
.
.


الشاهد من الامر انا متعوده اذا زاد اكل من عزيمه عندي اني احط لي الباقي من الرز واللحم لي لليوم الثاني واعطي عمتي منه يعني مايرمي ابد .. قامت ام زوجي شكلها زعلت واخذت لها قدر كبير من عندي وعبته رز واخذت نص اللحم اللي بقى يعني مابقت لي الا شوي لي ولعيالي .. مارديت ععليها بس استغربت فعلها مره وهي حرمه لوحدها هي وزوجها .. المهم عليها بالعافيه بس موقفي معه مانسيته وقلت افضفض لكم 😕