التجمع الاول لشهر (١١)نوفمبر وشهر(١٢)ديسمبر 👶🏻2021

مرحبا بنات كيفكم جميعا يارب تكن في أحسن حال
أسأل الله أن يبلغنا رمضان ونحن بأتم صحه وعافيه وان يدخله علينا بالرضا والسعاده والبركه وجميع المسلمين
رحمه بالنسبه لرمضان مر علي الحمل فيه في أول الشهور واوسطها وآخرها 😂
ويختلف ترا من جسم لجسم وعلى حسب وضعك الصحي انا عشان سكر الحمل كنت اتعب واحس بإجهاد وثقل ومايجي المغرب الا وانا طافيه 😄لكن الحمدالله مرت باجرها يارب
فلربما كانت أجمل ايامك وأخفها ماتدرين
ومثل ماقلت يظل الوضع الصحي وطبيعة الأجسام تختلف
أسأل الله لنا ولك يسر وسهولة وأيام خفاف لكن إذا تشوفين نفسك من الآن غثيان وتعب حاولي تجهزين لك بعض المفرزنات خصوصا الكشنه لتسلمي الغثيان انا لاني في كل حملي يجني غثيان اظطريت افرزن قبل رمضان الأشياء اللي اعرف انها ممكن تزيدني وربي يكتب لنا الأجر والثواب ويتقبل منا أجمعين

انا سبق صمت وانا بالرابع ، بس الحمد لله م كان ذاك التعب ، لكن اختي صامت بدايه وحام وتعبت كثير بالذات بعد م تفطر ،، كل شي بأجره وربي يبلغنا شهره الفضيل ويعيننا ع صيامه وقيامه

صادقه ترجع لطبيعه كل وحده وصحتها

لاتشيلين هم ، ربي م يحمل الواحد فوق طاقته
بعدين استمتعي برمضان لاتفكرين بالحمل فيه

آمين يارب الله يسعدك 🤍
الأثنين الحمدلله سويت عملية تنظيف كان البييي متوقف نبضه ٧ اسابيع وخمس ايام ، حتى الوحم سبحان الله انقطع عني والحرقان ، الحمدلله الله يبدلني خيرا منه ..

يابنات لازم تراجعون بداية الحمل مو كل حمل سليم ! فيه شي خارج الرحم وشي ع انبوب وشي متوقف النبض ووو الخ لازم لازم مراجعة قبل الشهرين ..

والوحم اسوأ مرحلة تمر على المرأه بس تذكري ان هالتعب بتقطفين ثمرته بإذن الله وكل ماتعبتوا قولوا يارب اجعله بار صالح مصلح .. وبتمررر الاياااام وتعدي بسسرعه ..