تجاربكم مع السواقه .. حتى لو مبتدئات

بمرحلة التعليم انا

طبعا زوجي رافض هد الشي رغم اني انا وبناتي نتمنى ويمكن يغير رايه مستقبلا

انا تعلمت وانا في ١٥سنه لاني كنت البنت الوحيده بين اثنين اخوان فكانو يدلعوني كنت اسوق في البدايه في المخططات بشكل شبه يومي ثم صرت امشي مشوار تقريبا ٣٥كيلو المهم تزوجت وانقطعت فتره طويله عن السواق
ثم رجعت اراجع نفسي لما عرفت انهم بيسمحون لنا بالسواقه لقيت نفسي اني لسى اعرف كل شي
شريت سياره قبل يسمحون بشهرين من الحماس ههههههه
سجلت في مدرسة القياده والحمدلله كنت من ثاني دفعه تخرجت في منطقة تبوك
شي اخير الثقه ثم الثقه ثم الثقه بنفسك حتى لو ماتعرفين شي ثقي بنفسك قبل كل شي السوااااقه يبي لها ركاده وسعة بال وثقه
خلال اسبوع والوحده باااارعه فيها

نسيت شي تعلمو على الاتماتيك لانها اسهل
والسيارات الصغيره سهله للمبتدائه اكثر من الجيوب
انا تعلمت على اليدوي لين اتقن استخدامه وتعلمت بعدين على الاتماتيك وشريت اتماتيك اسهل في الزحمه

لي سنتين ونص اسوق
بالبدايه كنت اخاف من الطرق السريعه والهاي وي
الحين عادي جدا والامر تافهه وسهل
الموضوع مع الممارسه تتمكنين
تقريبا بعد سنه تمكنت ميه بالميه
وحاليا مدربه قياده اشتغل ع حسابي الخاص اللهم لك الحمد