فضفضة وحيدة

هلا بنات
انا ديمة كثير يعرفوني من زمان ويعرفون قصتي
اعتزلت المنتدى من زمان طويل لكن رجعت حابة افضفض شوي
كل ماقرب رمضان حسيت بشعور الاكتئاب والوحدة القاتلة
رمضان لمة عائلة اب ام اخوان اخوات
انا انسانة وحيدة
راس مالي ولدي وساكنة بمكان بعيد
الزوج موجود بس ملتهي عني عنده ٢ غيري ولي يعرفني يعرف معاناتي معه
اهل زوج اغلبهم مستقر ويتنقل بين مسقط رأسهم والمدينة لي احنا فيها
اهل مافي
ام متوفية واب متوفي
زوجة ابوي وبناتها ساموني سوء العذاب والظلم والكيد
هذا معناه انا وحيدة ما احد بيفقدني امرض اموت اعيش ما احد يدري فيني
اتمنى احد يفقدني اتمنى لمة عائلة اخوة واخوات واب وام
احس بشعور غريب لما اتمشى بين البيوت واشوف لمة عوائل واصوات اطفال وخصوصا رمضان والعيد
زوجي نفسه مايهتم بكذا امور عنده ربعه وملذاته الشخصية اهم من كل شي وما احس معاه بالحياة الاسرية
احس انا سلعة يجي ياخذ لي يبغاه
مثلا عندي فلوس كثيرة الحين بس ماحسها شي قدام وحدتي وعزلتي
اعرف انه حياتي افضل بمليون مرة من غيري
حتى الان اعمل جاهدة على حل مشاكل الحمل ومتأملة خير بحملي ابغى اخلف واخلف واخلف
ما ابغى ولدي يعيش مثلي وحداني ابغى اخوانه واخواته بعد موتي يلاقي حضن له يلاقي اخت تذكره بحنان يلاقي عضيد له مايعيش وحيد مثلي