ســــــاعدوني شغاله أندونيسية شرسه عنيدة مخربه درجه أولى

ســــــاعدوني شغاله أندونيسية شرسه عنيدة مخربه درجه أولى مهمله بإطفالي كل شوي أقول يمكن تتعدل من الصدفه وأنا جايه من المدرسه طفلتي الصغيرة 8شهور طالعة من المدخل رايحة على الحوش
مع هذا كم مره أوجهها وأنصحها وأفهمها مافيه فايدة وتنصب علي ومع هذا ترد علي بالأخير غيرت معاملتي معها مافيه فايدة والله لما أشتري لعيالي شيء أشتري لها من لبس وهدية عيد أقسم لها هي وأولادي من حلوى وآيس كريم وساندويتش وغيره ..............ألخ يعني والله ماخليت عليها قاصر مافيه فايدة عاملتها بالطيبه مثل شغالاتي السابقات
وزي ماقلت بنتي طالعه على الحوش وهي بالمطبخ لو تموت الطفله من الصياح مارفعتها ومع هذا أولادي يشتكون أنها تضربهم بس تبرر نفسها وأكتشفت أنها تكذب أنا ماأحب القسوة على الشغالات ولا أحب ضربهن بس هذي طلعتني عن طوري وجاني خبر جديد عنها قايله لشغالت أحد أقاربنا أنها
سحرت كفيلها الأول وعائلته ماأدري هي خطة وإلا صحيح بالرغم أني ضحكت عليها قبل رمضان قلت يالله أمشي بتسافرين جيتها عن طريق فجأه ولقيت معاها كيسه لما شافتني أرتبكت وشديت الكيس هي قعدت تشد وأنا أشد ورميتها بقوة وأخذت الكيس فوجدت قطن قذر وقماش مخيط جوى قماش حتى وصلت لعشبة معفنه وسئلت كذا وحدة وقالو وجدناه مع شغالاتنا
أنا أحب أقدم شغاله لم يسبق لها العمل بس ظروفي خلتني أقدم وحده أشتغلت لأني أعرف ناس كذا شغالات أكيد بتقولون سفريها أنا حاجزة شنتطها اللي جات فيها بغرفتي ماأدري أسلمهم لها إذا سافرت ولا بالرغم أن زوجي متمادي ولا لو عليّ من أول أسبوع مسفرتها وكلا يقول بيعيها قلت حرام صراحه غش وناس من بعيدقالوا نابيها بس قلت ماتصلح والمشكلة الثانية فاقدة مفتاح غرفتي وبعض ملابسنا بالرغم أنني انا أغسل ملابس زوجي
ثلاثة أرباع شغل البيت علي ماشفت مثل طبعها وأحيانا أقول فيها حاله نفسية
وكل من شافه وشاف تصرفاته قال الله يعينك عليها إذا قلت يمين قالت شمال ولاالله صابني توتر وحالة تشتت فكري طولت عليكن ياأخواتي بس رددوكن وحل لتسفيرها بالرغم أنني ماأستغني عن العامله لظروفي وخايفة تجيني وحدة مثلها
الله يستر من تهاوننا بتسفيرها ولا والله صابره عليها صبر الله يكفينا شر تاليها مع أنني الحمدلله محافظه على وردي
أنا مسفرتها مسفرتها بعد بنتي و خبر سحرها بس زي ماقلت أبي حل قبل التسفير.
بالرغم أنني تغاضيت عن سلوكها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
على قولت المثل (غير جبل ولا تغير جبلة .يعني طبع)

13 تعليق 1,262 مشاهدة

شاركي في النقاش

سجلي الدخول لإضافة تعليق.

التعليقات

11
  1. @bdoyh_rhymh

    حبيبتى ليش مخليتها عندج مدام مامنها فايده الاحسن تشوفين وحده ثانيه

    حرام جذى تخلينها منظر عندج لا تشتغل ولا شى الافضل تشوفين ثانيه
  2. @hmsat_12

    الله يكفينا شرهن

    ورددي الدعا صبح مسا
    اللهم اكفنيها بماشئت ونت السميع العليم
    اللهم انا نجعلك في نحورهم ونعوذ بك من شرورهم
    وفتشيها ززييييين قبل السفر

    لاتجيبين اندنوسيه
  3. @tmralaathk

    ياختي سفريها من دون ماتدري يعني احجزيلها وخلصي امورك واشتري لها اغراض جديدة وشنطة جديدة وهدايا وسوي نفسك انكم راح تزورون احد وروحي لاهلك وفتشيها زين وروحي فيها للمطار على طول من دون ماترجعون للبيت حتى لو كانت تبي ترجع عشان اغراضها قوليلها انا جبتهم معي بحيث انها مايكون شي معها منكم يعني ملابس او شعر الله يستر بعدين خوذي اغراضها واحرقي فيهم ونظفي غرفتها زين ونصيحة اخت لك ومجربة لا تجيبين اندونيسية جيبي فليبينية حتى لو كانوا شايفين انفسهم الا انهم ماعندهم لف ودوران وصريحين جدا يعني فيه شي مضايقهم تجي تقولك على طول وبعدين اهم شي ماعندهم خرابيط الرجال والله يكون في عونك والله يكفيك شرها
  4. وديها عند احد ..

    فتشيها كويس .. كويس ..

    واشتري لها اغراض ديدة من الى .. لاتعطينها ولاشي من اللي جابته خصوصا الشنطة اشتري لها جديده وخلاص ..

    وعشان تبرين ذمتك عطيها راتب شهر زيادة وخلاص ..

    الله يعينك
  5. @ghda_agml_2

    انفضيـــــــــــها نـــــــــفــــــــض

    وبعدها اشتري لها لبس جديد اقرب بنجابي وحتى الاندر وير عطيها جديده

    وخرابيطها اللي جت بها احرقيها

    مايسوى عليك يصير لك شي كله بسبة شغاله مافتشتيها زين او ماانتبهتي لشي كان معها

    وراتبها عطيها اياه كامل (هذا حقها)

    ولاتعلمينها متى موعد سفرتها .....خليها تتفاجأ وتنلخم هع .....عشان لو في بالها تسوي شي مايمديها


    يختي ذي تخوف معها قطن وخرابيط ومخيطة لالالالا وبعد انتي فاقده ملابس لكم !!!!!

    الله يصبرك

تابعي تجارب أخرى من هذا القسم.