شو رايكم بموضوع خاص بحوامل الغربة ؟؟

السلام عليكم

الف مبارك عليكم نور وفتاة الله يجعلهم من الدرية الصالحة والله وعملتوها مع بعض العقبالنا يا حوامل

اهلين فيك اختى فواحة الريف انت كمان فى الطريق الله اقومك بالسلامة اما عنى انا فانا عندى ولد وبنت وهدا حملى الثالث وانا فى نهاية الشهر السادس تاريخ ولادتى المتوقع ان شاء الله 11_3

ويارب يسرنا الحمل والولادة

الف الف مبرووك لفتاة ونور وان شاء الله الله يجعلهم من مواليد السعادة ........ويبارك فيهون.....

وان شاء الله عقبالنا......

سلفية 1
ما شاء الله الله يقومك بالسلامة ........
انا كمان حامل وبالشهر السادس والله سبحانه وتعالى رزقني ولد وبنت ولله الحمد وتاريخ الولادة ان شاء الله (2007 /30/3) يعني انا وانت بنفس الشهر .......
وان شاء الله الله يسر حمل وولادة كل حامل ........
وباقي الحوامل طمنونا عنكون وعن اخبار البيبيات............

فتاة ونور انشالله الف الف الف الف مبروك
معليش اتاخرت شوي بس كان عندي مشكلة بالدخول للنت .................انشالله بيتربو بعزكم ...........نور حبيبتي شو سميتي الامورة؟؟؟؟؟؟؟وفتاة الله يخليلك معتز وتفرحي فيه يارب ويجعله من عباد الله الصالحين

الله يسلمكم جميعا ويبارك فيكم ويقومكم بالسلامة يارب

والف مبروك نور والحمد لله على سلامتك والله يخلي لك بنتك وتتربى بعزك يارب

يا بنات قصة ولادتي رح ابدأها من اول

خلصت شهري يوم الثلاثاء وعندي موعد عند الدكتورة يوم الجمعة وليوم الجمعة ما كان في اي علامات ولادة رحت عند الدكتورة وقالت لي ممكن اولدك بطلق اصطناعي قلت لها اوكي متى اخترت يوم الجمعة بعد منتصف الليل علشان يكونوا الاولاد ناموا ومايشوفوني طالعة ...المهم حكيت مع صديقتي و الحمدلله اجت من شيكاغو رغم العاصفة الثلجية الله يجزيها وزوجها اكل خير ...وطول يوم الجمعة وانا عم انزف على الخفيف

طلعت مع زوجي بعد منتصف الليل ورحت المستشفى وكان مفتوح 4 سم وحطولي طلق اصطناعي .....بعد حوالي ساعة بدأ يجيني طلق قوي فطلبت الممرضة مشان ابرة الظهر فقالت لي لسا بكير عليها كمان شوي بقول لهم يجوا ...وكمان نص ساعة اشتد الطلق وماعاد اقدر طلبت الممرضة مرة تانية ففحصتني شافت ان الرحم مفتوح 6 سم فقالت لي خلص الان بطلب لك ابرة الظهر ...... ومافي شي خمسة او عشرة دقائق ....ازداد الالم فقلت للمرضة ففحصتني وسمعتها بتقول لزوجي خلص فتحت 10 سم وصارت مستعدة للولادة ومارح تلحق تاخذ ابرة الظهر ...طبعا انا طار عقلي وصرحت فيها بدي ابرة الظهر الان ...فقالت لي طيب طيب خلص بنعطيكي ياها ....هذا كله ولسا الدكتورة ما اجت ...راحت الممرضة تتصل بالدكتورة لتجي ...وانا صار عندي ان ادفع اريح لي ....وحسيت البيبي رح يطلع ومافي في الغرفة غير انا وزوجي فصرت اصرخ فيه البيبي رح يطلع بسرعة جيبوا الدكتورة ..... اجت الممرضة وصارت تقول لي لا تدفعي بس اتنفسي بعمق...بعدين قالت لي اجت ابرة الظهر بدك ياها فصرخت فيها مابدي ابرة الظهر بدي الدكتورة ...فقالت لي طيب طيب ...والحمدلله بعد مرور شي خمسة او عشر دقائق شرفت الدكتورة ...وبعد عدة محاولات شرف معتز والحمد لله

يعني الحمد لله كانت اسرع ولادة بس بنفس الوقت اصعبها لان بدون مخدر لكن ربي ييسر وذكر الله ما غاب عن لساني والحمد لله ...وبعدين ضليت شي عشر دقائق بعد الولادة جسمي كله عم يرجف

الحمد لله رب العالمين وهاي هي القصة بالتفصيل الممل

الان اخواتي نصائحي للحوامل

لا تنسوا تاخذوا معكم بشنطة الولادة شحاطة وفرشاة اسنان ....ولازم تكثروا من اكل الفواكه بعد الولادة..... واذا ما حدا رح يجلس معكم بالمستشفى بعد الولادة خذوا معكم كتاب او شي تتسلوا فيه اذا ما اجاكم نوم وجلستوا لوحدكم حتى لا تشعروا بالكابة والوحدة


ولا تخافوا توكلوا على الله واذكروه طول وقت الولادة وهو ارحم الرحمين ......