سوالف الاكاديميه!!

السلام عليكم ور حمة الله وبركاته

شخباركم مع البرد.....
ماشاالله تبارك الرحمن الجو حلو و مغييييم احب البرررررررررد:09:
بس عاد الحوادث والامراض زادت الله يعافي الجميع يااارب
سامحوني كنت في بيت اهلي والبارحه رجعت البيت ضاق صدري ما ادري ليش...

حبيبه زوجها
اجر و عافية ان شالله و الله يعافي عيالج ويعطيهم الصحه يارب
ام حنين
الحمدلله على سلامتكم واجر و عافيه..فديتها حنونه ملبوس العافية يا ربي
اتعرفين الثياب اللي ما لابستيهم يا اتخليهم للبيبي الجديد او تعطينها هدايا لوحده مربية انا جيه اسوي عشان ما اتغمض عليهم وايد.....

ام الاميره
فديتها جنى الله يعافيها و يحفظها يارب..وعن الثياب حتى انا ساكنه مع اهل ريلي بس عمتي و عمي وحميتي ساكنه مؤقتا معانا مع عيالها بس احب البس بناتي لبس كشخه عموما احب اللبس المرتب مش بجايم وقت الجمعات :) و ملبوووووووس العافيه عجبني الفستان كثير...ما ادري اذا فيه فرع في الامارات...؟

ام جواد الحلووو
اذا ما يحب السيريلاك خلاص بلاه احسن...وننتظر وصفاتج الحلو يا قلبي
ام محمد
الله يعينج يااارب....ويخليلج حمود بس تعالي ذكرتنا ام حنين عن طريقه اكله قلتي بتحطينها وييييين.؟ يوم بتحصلين نفسج فاضية شوي حطيها لنا الوصفه....وش عي طرقة حمود الخنفشارية؟

سنه اولى امومه الله يعينج ويعين سعد....احلى تحيه :26:
لولي
الله يعطيج العافية :)

دفى شمس :26: حلو الجاكيت ماشالله ملبوس العافيه يارب....الله يخلي عيالج يارب

فمان الله....
بروح اسوي اكله لبنتي
ام شهد و فاطمة

مراااااااااااااااااااااااحب يا بنااااااااات شخباركم

أم هديل حبيبتي شلونج وشخبارج من موعدنا وناسه ها خخخخخخخخخ

ام جواد والحلوين كلهم شخباااااركم؟

مساء الخير عالجميييييييييع بدون استثناء...
كيف حالكم وشخباركم...ها تدفيتواّ!! ولا لسه..
حيا الطباخات........ما شاءا لله الكل يتشهى!!! شسالفه والبرد جوعكم؟؟؟؟
عموما ما راح اطولها ........جهزوا اوراقكم وأقلامكم...واستلموا الطريقه الخياليه...وادعوا حق مخترعه بالرحمه والمغفره...""""""""""""""""""""""""""""""""""""""""""""""
كورما بالربيان.....
"""""""""""""""""
المقادير..
ربيان
1بصل+2فص ثوم +زنجبيل+كزبره+( فطر+فليفله= اختياري)
علبة قشطة التاج...
نصف زبده
بزار +فلفل اسود+1ماجي+(كاري أختياري)
الطريقه...
-نسلق الربيان + ورق الغار والهيل + شريحة ليمون لمدة 10 دقائق...علشان تروح الزفره..
-نحمس البصل مع الزبده...بعدين نحط الثوم والزنجبيل ...ثم الكزبره...ثم الفطر والفليفله..
-نضيف الربيان ونضيف عليه الماجي والبزار والفلفل الاسود والكاري
-ونقلبه الى ان يحمر الربيان...
-وقبل التقديم نضع عليه علبة قشطه ونصف بيالة ماء..ونحركه حتى يتجانس...
-ونطفى النار ونضع على الوجه الكزبره المفرومه...
-ونقدمه مع الارز الابيض او الارز بالزعفران...
==وبالهناء والعافيه...==
الكميه تكفي من شخصين الى 3..
ها ايش رايكم بالشيف دفى شمس!!!
جربوها وعطوني خبر.."""""""""""""""""""""""""""""""""""
""""""""""""""""""""""""""""""""""
أم الاميره ....عليها بالعافيه..وتقطعه بالعافيه...وحلو ما شاء الله..
حمستيني اروح السوق اشتري لبس العيد..
والله لو يدري :arb: كان ضربني بكتابه الي بيده..وبيقول لي: متى بيجي اليوم الي ما تطلبين تروحين فيه السوق!!!!:eek: كككخخخ كخ كخ...لانه توه امس جايبني من السوق..
"""""""""""""""
زوجي الغالي...
الله يعافيك..وعيونك الحلوه..
""""""""""""""

هلا والله بأم شهودي ..
تمنيت اشوفك ماسنجر بس اظاهر كله تدخلين وانا مو موجوده حول الجهاز .. اجئ الاقيك طلعتي ..!
.. عن جاكادي اكيييييد فيه بالامارات .. لانه كل الماركات هذي موجوده عندكم .. عموما انتي وين بالامارات واشوف لك موقعهم اذا فيه او لا ..
فيه ماركه اسمها GOCCO بالعالم العربي مالها فرع الا بـ دبي والكويت .. امي توها رايحه دبي الاسبوع اللي راح وجابت لبنتي من عندهم فستان نعووووم وحلو .. وجابت الكتالوج حق المحل .. صراحه عنده اشياء حلوه .. ممكن تشوفين موقعهم www.GOCCO.es وع فكره هذي ماركه اسبانيه ..

مشكوووره ع هالطريقه .. باجرب طريقتك ان شاء الله..
انا اسوي الربيان كذا مطبوخ بالبصل والطماطم والبهارات طبعا .. وامس قلت ليه ما اضيف له قشطه شوي .. يمكن يطلع ثقيل وحلو .. خصوصا انه زوجي كان يبيه مع خبز .. وحطيت عليه قشطة خفق وطلع روعه .. :) .. بس باجربه بالفطر قريب ان شاء الله .. :)


ههههه انا مثلك توني متسوقه وماخلصت .. بس بأسكت لين 10 ايام ثم اروح اشتري للعيد .. لان هالـ 10 ايام باصلح غرفه بنتي يبي لها تكميلات .. :) ..