الحمل والدوره ..

السلام عليكم .ياجماعه انا تعبت نفسيًا وجسديًا ،، انا اخدت الشهر قبل الي فات منشطات وابره تفجيريه اوك ؟ الدكتوره بعدها كشفت قالت مافيش حمل قلنا طيب مافيه مشكله جينا الشهر دا برضو اعطتني منشطات اوك ؟ بس انا طبعا احسب الدوره والتبويض في برنامج اسمه Clover المهم فـ انا جتني في الشهر قبل الي فات يوم ٧ ميلادي وعلى كلام التطبيق انها بتجيني الشهر الي فات يوم ١ ميلادي لانو دورتي تتقدم الله يكرمكم بس ما جتني الا يوم ٤ قلنا اوك بس جتني ٣ ايام بس ،، اليوم الاول دم كثير شوي واليومين الي بعدها دم خفيف قلنا ممكن طبيعي سالنا الدكتوره قالت عادي كملي المنشطات كملتها انا ،، طبعاا انا الحمدلله في كل دوراتي ما يجيني الم قوي واضطر اني اخد ابره غير في دي الدوره اخدت ،، فـ بعد دي الثلاث الايام تعبت مرا عندي الم اسفل البطن واسفل الظهر ، صداع ، غثيان ، دوخه ، استفراغ ، خمول ، المهم رحت عند الدكتوره يوم ١٤ قلتلها كل الي صار قالتلي بسوي تحليل وسونار طلع بالتحليل مافيه حمل سوينا سونار قالت فيه كيس بس مو واضح كيس ايش رجعت سوت مرا ثانيه قالت لا دي البويضه صارت ٢٥ يعني زايده عن حجمها الطبيعي مرا واعطتني مسكن ومشيت بس انا خايفه ومرتبكه احس فيه شي غلط مدري ليهه 😭 وش تشورون علي ؟ انا اسفه طولت بالكلام لكن حبيت اقول كل الي صار وانا عارفه انكم بتساعدوني الله يسعدكم ويعطيكم العافيه 🧡🧡.