التجمع ال ١٨٢للمقبلات على الحقن المجهري واطفال الانابيب🌹

اتفق معك ببعض كلامك ولكن تقييمي لدكتور ماكان بسبب عمليتي فشلت بسبه لا ، حتى لو نجحت ماراح اتعامل معه ثانيه ..
للامانه انتي لما تروحين مستشفى خاص ، تبين دكتور يسمعك و يوجهك ويتقبل اسألك ، مو يعصب عليك !!
و بنفس الوقت نبي لما تفشل نشوف اهتمام منهم.. مو مجرد رقم مراجعه وانتهى ولا يوجد اي احساس ..

اتفق معك بقوه ، العامل الاساسي لنجاح العملية ارادة ربنا ثم البويضه + الحيوان المنوي
ولاحظت اكثر شي يأثر بنجاح العملية بطانة الرحم سبحان الله
دايم بعد اي فشل اقول لزوجي الدكتور مجرد اداة مهما كان ماهر والحيوان المنوي ضعيف او البويضه فاسده او الجنين ممتاز وبطانه ضعيفه او سميكه مستحيل تنجح
اهتموا بتغذيتكم قبل ٦ شهور على الاقل من العملية + كثرة المويه تروي الرحم والجسم

الله يرزقنا جميعاً ويقر عيوننا

يالله كأنك تتكلمين عن دكتوري
اسحب منه الكلام سحب
اقوله المره الاولى ايش اسباب الفشل يقول ماكتب ربي يثبت الجنين
والمره الثانيه ممكن من التكيس 🥲
ياذا التكيس السهل الممتنع الله يشفيني منه وكل مستضر

مايحمسني ابدا للتجربه القادمه ويناقش اسباب الفشل ويقول المره نسوي كذا وكذا

يارب تغنيني عنهم ويرزقني وياكم الذريه الطيبه المباركه

سؤالي بنات التقرير اللي تاخذونه من المختبر تبع الاجنه
فقط فيه عدد الاجنه واللي تلقح
هذا هو التقرير ؟

وسؤالي الثاني هل تحكمًون على جودة المختبر من الاجنه المتلقحه او من نجاح العمليه وفشلها ؟

والله يا أمل ماكنت اقصدك بكلامي اصلاً انتي تجربتك ألهمتني اني اكتب كذا .. وبالعكس كلامك ساعدني كثيرررر اني اسوي على بقنة اكس حتى لو كان اشطر واحد موجود بالساحة .. انا ماخرجت من التخصصي الا لنفس سببك مع بقنة .. شوفيني تغاضيت عن افضل مختبر وقلت بروح للشهراني لان جربت تعامله ع الاقل يسمعني مو بس يسمعني يطبطب علي
العملية ماهي شيء بسيط زي مايتخيلونه الحريم اللي تحمل طبيعي
العملية مجهدة نفسياً وبدنياً ومادياً ماني ناقصة دكتور يستنزفني بعد هو من الجهة الثاني ..
وكلامك وريته زوجي قلت له شوف كلامها يشبه كلامنا عن دكاترة التخصصي الحكومي نفس الشيء سريع سريع وكل شيء عندهم يفسرونه بأمر الله .. سألتهم اش سبب الاجهاض امر الله قلت لهم اش سبب بطانتي قالو امر الله قلت اش سبب الفشل قال امر الله .. ياخي ونعم بالله بس مو معقول كل شيء ماتبغون تشرحونه لي تقومون تقولون الكلمة اللي لو عارضت وقلت شيء بتكفرني وبتقول ماني مؤمنة بقضاء الله وقدره .. ونعم بالله وحده اولاً واخيراً والله وحده عالم لا انت ولا انا ولا غيرنا .. بس ع الاقل اشرح لي الاسباب المتوقعة ؟؟ او احتماليات او توقعات اي شيءءءءءء
كيف احس اني اجري وراهم جري عشان افهم شيء او اعرف شيء
وباسألك الدكتور بقنة هو ابو المشاهير اللي في السوشال ميديا ؟ ولا هذا واحد ثاني 🤔

ممكن اعرف مين دكتورك اللي تسحبين الكلام منه سحب عشان بعد احطه بالبلاك ليست حقتي هههههههه