التجمع ال ١٨٢للمقبلات على الحقن المجهري واطفال الانابيب🌹

الله يعوضك يارب
مقدره موقفك 💔
معليه توكلي ع الله ولا تيأسين هي كذا الحياه عقبات وتعدي

انا سويت عند بندر عمليه عطاني الطويل وعندي سبق عمليتين فشلت بمجمدها يعني ٤ ترجيع فشل

وقلتله ابي الطويل قال ع حسب كم يطلع بويضه
اذا اكثر من ١٠ اعطي الطويل

المهم عطاني الطويل
وعطاني الابر نفس حقتك ( بريقروفيز)
وقلتله دكتور انا متعوده ع جونال اف
قال لا هذي كويسه

المهم خذتها مع الطويل
وطلعلي العدد المعتاد معي مافي فرق

لكن ارتفعت هرموناتي مره
وقال خلاص نجمد 💔

يعني سبحان الله ماستفدت من الطويل ولا من التحفيز
اسال الله ان يجعله خيره
وباعتقادي السبب هذي الابر ماحبيتهااااا ومارتحت لها

متى حملتي بالتوام ؟
زمان؟
ولا قريب بالحبيب

ههههه مو بالرياض بالقصيم
سمعت ان عنده نسب نجاح لكن انا تجربتين وحده فشل والثانيه حمل ضعيف

الثالثه مرات افكر اجي الرياض ومرات اقول اعيد التجربه معاه عسى ربي ينظر لنا من سابع سما ويرحمنا و تكون الناجحه..
صعبه اكون بعد الارجاع بغير بيتي 💔
خصوصا زوجي الله يهديه مايساعدني بالمره ،،
دعواتكم ربي يختار لي الخيره المباركه ويرزقني وياكم من حيث لانحتسب ويقر عيوننا بالحمل السهل التام

مساء الخير
بغيت أستفسر منكم موعد تحليلي الهرموني الأربعاء
وبودي أحلل الثلاثاء لأن عندي موعد أنتظره من زمان أسنان يوم الأربعاء
صار لي ثلاث أيام أحلل منزلي ولا بان شي ما فقدت الأمل طبعا الله قادر يفرحني بما أتمنى وكل متأخرة بس قرأت عن أجنة اليوم الثالث وأن نسبة الحمل أقل بكثير من اليوم الخامس
وعمري ٤١
مشغول تفكيري مره لدرجة بالكاد أقدر أنام 😩

الهرموني يبين من اليوم العاشر من الترجيع ، لو حللتي الثلاثاء بإذن الله بيبين معك دام موعدك الاربعاء