الامهات الحكيمات

يالطييف !!! ليه كذا يقولك كولي ......

فين زوجك من ذا كله؟
من أمن العقوبة اساء الادب

خلي ابوه يجلس معاه ويكلمه بحزم
ويقول له ولله لو سمعتك مرا ثانيه تغلط على امك لاتشوف شي عمرك ماشفته
ولو رجع وغلط عليك
ينفذ وعده ويفرشه

ولا تقولي ولدي لا قلبي مايطاوعني
الدلع الزايد قاعد يسبب قل احترام

الله يصلحه لك ويهديه

أختي لازم تعينينه على بره لك
أطلبي منه وآمري عليه وخليه مسؤول عن أشياء تناسب عمره ولو رفض لك شي أو قل أدبه عليك عاقبيه باللي يقوم له سلوكه لازم يعرف ان اللي سواه مو بس خطأ لكن له عواقب ومو كل شي يطلبه تسوينه له حالاً هو مو زوجك ولا هو أمك أو أبوك لازم تطيعينهم إن عاملك زين عامليه زين إن قل أدبه فلا

الدلال والزايد له عواقب وخيمة على الطفل .... عامل طفلك بحزم ...وخليه هو يقووم ببعض امورة ...وعاقبية ...واهم شي مو كل رغباته تتحقق ..كذا اذا كبر بينصدم في الحياة لما يصعب عليه شي ....عوديه على انه مو كل شي يرغبه يلقاه ..لابد من الحرمااان ...
ازعلي منه مرااات
وحتى اذا احتاج ضرب ..اضربيه ضرب تأديب له عشان يعرف مكانتك ..

وشوفي حساب الدكتور ..مصطفى ابو سعد
مررة رهيب يتكلم عن التربية وطرق التعامل مع الاولاد
بإذن الله يفيدك ...

والله يصلح لنا ولك الذرية ويرزقنا برهم

الله يهديه ..
انتي مرة أذكرك قلتي انه مريض ؟ أو فيه شيء نسيت ... الله يعافيـه هل لحالته الصحية تأثير على تدليعك له ؟


الصراحة مرة معطيته وجه .. كيف الأم تجلس ورا بالسيارة و بزر أبو عشر سنين يجلس قدام ؟ مو كذا المرجلة .

لانه يبي عين حمراء وهذي ماشافها منك الغلط لاتسكتين عنه يتعاقب عليه تلفظ عليك ارجعي له وهزئيه تهزيئه محترمه واحرميه من الي يحب قولي ان شفت اسلوبك تعدل افكر ارجع لك
والمعامله تتغير
يعني اذا تحطينه قدام خليه ورا
ولاتكلمينه وان ناداك اسفهيه
بمعنى كل الميزات الي يحصل عليها لصار مؤدب من اجهزه ومعاملة محترمه ينحرم منها
قولي انا اول احسبك رجال ومحترم ومؤدب وتعرف الي لك والي عليك لكن اثبت لي اني غلطانه ولا فيه واحد محترم يقول لمه كولي...
حتى لو كان قايلها قبل سبوع دام ماسامحتيه عليه ذكريه فيها كل شوي عشان ينرسخ بباله ان المعامله تغيرت بسبب هذي الكلمه وموبس هذي الكلمه اي سلوكيات فيه مو عاجبتك لزعلتي كرريها عليه عشان يستوعب انتي ليش زعلانه وليش المعامله تغيرت