فقدت جنيني 😔💕

انا فقدت جنيني في الشهر السابع جلس كم يوم في الحضانه وتوفى
سبب ولادتي المبكرة عندي قصر في عنق الرحم
الله يجعلهم شفعاء لنا

انا فقدت جنيني في نهاية السابع والان لي ثلاث شهور من ولادتي وكانت قيصري والرابعه اللي لاحظت انه كثير معي كانوا المويه ناقصه او زايدة ف التنويم مدري ايش السالفه وانا كانت الموية زايدة بشكل كبيييييير جدا جدا الدكاترة انهبلو لمن شافوا وضعي ع طول دخلت عمليات والحمدلله على قضائه وقدره وكان الجنين عنده مشاكل وتشوهات نادرة جدا وادعي ربي يعوضني العوض الجميل بحق قوله يؤتكم خيرا مما اخذ منكم يارب لي ولكل ام فقدت طفلها في هالشهر الفضيل ان تعوضنا

ياقلبي الحمدلله و العوض بسلامة راسك و هذا شفيع لك احد يعاف الشفاعه من طفله. الله بيعوضك و تجيبين بعده ان شاءالله بطون و بطون
عيال الاخرة ذخر و عيال الدنيا للفناء و الشقاء.
و بيعوضك ربي تو العمر قدامك.
اهم شي سوي تحاليل و شوفي السبب بتوقف النبض اتوقع يبي له تروية اسبرين او ابر كليكسان للسيوله.
و روحي خذي لك عمره و ارجعي ريحي رحمك شهرين و حاولي تحملين و انسي الي فات احتسبيه عند الله
رددي اللهم اجرني في مصيبتي و اخلف لي خيرا منها
شوفي اخت صديقتي عندها ٣ بنات و ٣ اولاد
بنتها بكرها معرسة و لها بنية رايحه للدوام بتوقع و ترجع ماسكة بنتها ام ست شهور جاهم حادث بالطريق البنت الصغيره سلمت و الام ماتت علطول.
و عقب شهرين بنتهم الثانية عمرها ١٢ في سادس ابتدائي نامت للمدرسة و يصحونها لقوها ميته وفاة طبيعية.
في الدنيا عبر يختي وشوفي مصايب غيرك و احمدي الله انه توفى صغير شافع نافع بالاخره و لا له سنين معك قضيتوها فيها ذكريات.
و في كلتا الاحوال الموت حق علينا مانضمن عمرنا و لا عمر عيالنا الي بين يدينا و لا الي في بطوننا. الله بيده الحياة و الموت سبحانه
اتمنى يكون كلامي لطيف و خفيف و معبر و افادك و الله يلطف بك و يعوضك خير

💔
كلامكم مؤثر
الله يعوضنا
وحتى اللي عوضها الله ربي يحفظ ماعندها
بس لازم تحسي بالالم
اللي يداوي الجرح والالم الدنيا زايله وفانيه والحمدلله افضل من غيرنا فالحمدلله

الله يعوضكم جميعا
ويجعل مافقدتو شفعاء ان شالله لكم