شاركي في النقاش

سجلي الدخول لإضافة تعليق.

التعليقات

1,006

  1. @am_mrol

    مساء الخير عليكم ياحوامل حبيبات قلبي ❤️
    أنا أدري اني مقصرة فالتواصل ولو اني بادخل ساعات اشوف ع السريع.... السموحة ع التقصير بس الظروف شوي ماتساعد.
    اول شي أبارك للحوامل كلهم اللي عرفو جنس الجنين واللي ماعرفو عقبال ماتعرفون اللي يسر ويجبر بخاطركم كلكم يارب وتشوفون اعيالكم بين أحضانكم يارب..
    أنا شبه عرفت الطبيبة اليوم قالتلي 90 في المية جنس الجنين بس قالتلي تعالي عقب أسبوعين عشان أأكد لج مية فلمية، وسبحان الله لو كان الوحام فعلا له علاقة بجنس الجنين فلازم الإختلاف بين الوحمين يكون له علاقة بنوع الجنين.
    انا حاليا في الأسبوع 14 وكم يوم ومن ثلاث ايام أحس كنه فيه كووورة يابسة في بطني ومضايقتني ع الآخر وجودها مخليني مو مرتاحة نفسيا، اليوم قررت أروح للدكتورة وقالتلي انه شي طبيعي !!!! وطمنتي عن الجنين وشافت الجنس بس الأكيد عقب أسبوعين.


    وسلامتكم كلكم انشالله يارب

  2. @ema_ema

    كيف حالكم بنات اليوم رحت لدكتورتي قاست لي عنق الرحم وطلع2.900قالت لي احتاج أسوي عملية ربط والله خفت ومتردده اسويها ولا لا انا الان في الاسبوع ال14مين عندها معلومات تفيدني الله يسعدكم واذا تعرفوا تجمعات وروني في واحده قالت لي في تجمع لرابطات عنق الرحم بس مالقيته ياريت تفيدوني واكون شاكرة

  3. @um_jana94

    شكرا لكل وحده ردت علي وعطتني جرعة ايجابيه بكلامها كنت محتاجه كلامكم
    عرفت محد راح يحس فيني الا الي عايش نفس وضعي
    الله يسعدكم، كنت منهارة لما انرفضت اجازتي للمره الرابعه كنت حاطه ببالي خلاص الاسبوع الجاي برتاح وانتظر
    كلمت دكتورتي ما قصرت قالت مري السبت وباذن الله بكتب لك اجازة الله يسعدها ويريح بالها
    مره وحده بخليها تشوف الجنس خليني اعدل النفسية شوية 😪

  4. @mnonh_alkoyt

    Ema ema
    كيف حالكم بنات اليوم رحت لدكتورتي قاست لي عنق الرحم وطلع2.900قالت لي احتاج أسوي عملية ربط والله خفت ومتردده اسويها ولا لا انا الان في الاسبوع ال14مين عندها معلومات تفيدني الله يسعدكم واذا تعرفوا تجمعات وروني في واحده قالت لي في تجمع لرابطا…
    اهلين
    الي اعرفه المفروض الطول من ٣ لي ٣ و نص
    الربط عمليه بسيطه تضمن لج ان عنق الرحم ماراح يفتح اثناء الحمل ان شاء الله
    انا رابطه
    و في كذا وحده بتجمعنا رابطه بعد
    و فعلا في تجمع للرابطات بس مو حيل فعال
    كل جم يوم ندخل و نفعله
    اي سؤال انا حاضره
    و في بعد نغم البحرين ماراح تقصر رابطه

  5. @mnonh_alkoyt

    Um Jana94
    شكرا لكل وحده ردت علي وعطتني جرعة ايجابيه بكلامها كنت محتاجه كلامكم عرفت محد راح يحس فيني الا الي عايش نفس وضعي الله يسعدكم، كنت منهارة لما انرفضت اجازتي للمره الرابعه كنت حاطه ببالي خلاص الاسبوع الجاي برتاح وانتظر كلمت دكتورتي ما قصرت ق…
    ي قلبي انا الي كان زعلان
    لا تزعلين
    الدنيا ما تسوى
    اخذي كل الاجازات الي تقدرين عليها
    و باذن الله تروحين و تتطمنين ع البيبي
    و تعرفين الجنس يا رب 😍🦋💓

تابعي تجارب أخرى من هذا القسم.