هل ابادر وارسل له؟

هلا بنات ، انا حديثة الزواج ، انا وزوجي كثرت خلافاتنا هالفترة ، ومن اسبوع كنت ماسكة تلفوني وزوجي عصب وسحب التلفون وشاف محادثات مع امي وخالاتي افضفض لهم عن مشاكلنا وابكي لهم وو ، وما عجبه وقال تطلعين اسرارنا ( مع العلم هو يخبر اخواته بكل شي ) ، بس يمكن انا زودتها بس المهم هو عصب مني لانه شاف كل الكلام عنه وقال روحي لبيت اهلك وما ترجعي الا لما اخبرك واعتذرت منه برسالة طويلة وطنش ، بعدها ب٣ ايام رسلت له وقال ما ترجعين مابي اشوفك ، والحين مر اسبوع لا انا ارسل له ولا هو يرسل لي ، واليوم برجع البيت لان اهلي قالوا ارجعي مثل ما هو بيته هو بيتك ومشكلتكم ما تستحق كل ذا ، ( مع العلم ساكنة ببيت اهله) بس خايفة يقول ليش راجعة من دون اذني ، وبعد تنصحوني ارسل له مشتاقة لك ومن هالكلام ولا ؟ احاتي يقول هي الغلطانة وما تعبرني وما ترسل وعاد يقعد يسوي ستوريات بالواتس انه حزين ووو كسر خاطري بس اهلي قالوا لا ترسلين له