التجمع التاسع لحوامل ستمبر (9) & أكتوبر (10) 2021 💙💗

الحمدالله على عطايا الله ❤️

اي والله البنات اجمل هديه بس الانسان طماع😭

الله يعطينا ويعطيكم لين يرضينا ويرضيكم يارب العالمين🙏🏻

ويابعد قلبي ان شاءالله انا متواجده معاكم
والله لا يحرمكم الاجر والله يستجيب دعواتكم ولكم بالمثل ان شاءالله .. الله يعطيكم ماتتمنون وافضل من ما تتمنون يارب العالمين🙏🏻

ياعمري ام فارس
الحمدلله الحمدلله الحمدلله
ان الله رزقك الذرية بلا حول منك ولا قوة

المستشفيات مليانه ناس تدور الذرية راضين باللي ربي يكتبه لهم يصرفون اللي وراهم وقدامهم عشان الضنا والله يضيق صدري لاشفت تجمع المقبلات على الحقن المجهري اللي سوت ٥ عمليات واللي سوت عشر عمليات تعب نفسي وجسدي ومادي وانتظار نتيجة تحليل الحمل الله لايحوجك لهذا من غير كلام الناس لهم ليش ماحملتي واكيد فيه حالات حولك ربي ماعطاهم خاصة في هالزمن كثير العقم نسأل الله السلامة

الحمدلله ربي اعطاك بدون تعب فرضي يرضيك الله
وحدة اعرفها جابت ٥ بنات وزجها منهار يبغى الولد وكل سنه تحمل عشان الولد اخر شيء ربي رزقهم بولد معاق نسأل الله السلامة

اهم شيء يا أختي حسن الخلق والخُلق وربي اعطاك فرضي واذا ربي كاتب لك الولد بعد سنه او بعد كم سنه راح يجيبهم ربي
وحطي اذن من طين واذن من عجين لكلام الناس
واذا على زوجك قولي ان شاء الله المره الجاية نسوي عملية تحديد الجنس الحمدلله العلم تطور بس انتِ اعقليها وتوكلي

الله يرضيك الله يرضيك الله يرضيك ويفرح قلبك بفرحة تسر خاطرك وتعوضك عن صبرك

مناهل المحبه
اهلا وسهلا فيك معانا بيوم ١٨ 😍😍♥️تدرين انا كل مره السونار يقول ١٦ اكتوبر بس ماغيرته خليته على موعد الدوره 😅عشان الله لايقدر لو تأخرت مااتضايق

الحمدالله الف مره🙏🏻

اي والله هذا اللي يهون علي دايما لما اتذكر ان في ناس تتمنى الذريه ويسافرون ويسعون وياخذون قروض يبون ولد واحد🙏🏻 الحمممدالله الحمممدالله الله لا يجعلني من الناكرين لنعمته❤️
وعسى ربي يرزق كل محروم ويذوق لذة الذريه المعافاه عاجلا غير اجل

اي باذن الله انا ناويه الخطوه الجايه اسوي تحديد جنس
ابي اسعى بكل شي لين ربي يعطيني بحوله وقوته وقدرته الواسعه❤️🙏🏻

والله يجزاج على الدعوات الحلوه اللي كأنها ماي بارد على قلبي

والله يا بنات انكم جبر خاطر❤️
الله يجبر قلوبكم ويبشركم بكل مايسركم
ويجعل يومكم هذا والايام القادمه ايام ساره لكم فيها من التباشير ماتسركم ويرزقكم بالراحه والتوفيق والرضى❤️🙏🏻

ام فارس
ياعمري انتي اسأل الله العظيم ان يسر خاطرك باللي تبين ويريح قلبك
صدقيني الناس مالهم الا الكلام الي ماتزوجت ليه ماتزوجتي والي ماحملت ليه ماحملتي والي تجيب بنات جيبي ولد والي تجيب اولاد وين البنت كأنه بكيفنا هذي اقدار من ربي العالمين الناس ماتحس انا ماعندي الا بنت واول ماقلت للناس اني حامل قالت لي وحده اسمعي بنات مانبي جيبي ولد🙄قلت لها ابشري اقدم لك طلب انك تبين ولد 🤣😅عشان كذا ارتاحي
لو عرضت عليك الاقدار لأخترتي مثل مااختار لك رب العالمين
والله ان البنت عوض ورحمه ورزق وتكبر وتصير اختك وصديقتك وتحس فيك ❤️واحسانا لهم يجعلهم حجابنا من النار ويدخلنا الحنه برحمة ربي
والحمدلله على كل شي وعلى كل حال
ارضي عشان ربي يرضيك ويعطيك والي يتكلم لاتسكتين له هذا امر الله ما للبشر يد فيه ❤️❤️