ساعدوني انا حامل بشهر الاول

الله يبارك فيك ، مشكوره حبيبتي❤️❤️

استخدمي حمض الفوليك وخلي اكلك صحي قد ماتقدرين ولا تشيلين ثقيل الله يتمم لك

كم كتبت لك الدكتوره مقدار الفوليك الله يسعدك؟

الف مبروك الله يتمم عليك


مثل ما قالوا الاخوات بالردود و بزيد عليهم الكبده و اي اكل فيه نسبه كبيره من فيتامين A

و عنايتك ببشرتك بعد لازم تشوفين هل المنتجات تنفع الحامل او لا ،، و ايضا الكريمات اللي فيها ڤيتامين A ابتعدي عنها


السوشي و اللحوم الغير مطبوخه جيدا بعد ابتعدي عنها
و الفوليك لا تنسين تاخذينه يوميا ليما الشهر الرابع تالي توقفينه و تاخذين فيتامينات الدكتوره ان شاء الله راح تصرفلك اياها
و نصيحه مني ابتعدي ابتعاد كلي عن كل العطور اللي تحبينها الفتره الاولى من الحمل
لانك قدد تتوحمين فيها ف راح تكرهينها كره مو طبيعي حتى الى ما بعد الولاده 🤣
انا عن نفسي من اليوم اللي احلل فيه اعزل عطوراتي ليما اخلص فتره النساة تالي اطلعهم و استمتع فيهم
و استودعي جنينك الله الذي لا تضيع ودائعه يوميا و ان شاء الله ماكو الا العافيه

ذكرت شي .. حاولي ما تاخذين شاور على معده فاضيه لان مرات تصيب الحامل دوخه بالحمام


و حاولي الحمام ما ينترس بخار اثناء الشاور اذا كنت تستحمين في ماي حار مرات يصيب الحامل دوخه من البخار لا سمح الله