قريت اغلب مواضيعك على عجالة .. مشكلتك الحقيقية انك تزوجتي في سن مبكر 22 و للأسف ياليتك قوية و شخصيتك ناضجة ، بالعكس للأسف مهزوزة وماعندك ثقة بنفسك .. و تبين الي يسمع لك حتى لو فضحتي كل مشاكلك .. وللأسف هذا الي صار قعدتي تقولين مشاكلك حتى لأخته و بنت أختـه
ومو انتي الي غلطانة فقط .. حتى هو شخصية نرجسية ، شايف نفسه ، لعاب ، ماعنده انضباط قاعد يكلم بنات عن مشاكله معك ويهدي هدايا .. و غير ناضج بعلاقته مع بنت أخته :
((في مرة عاتبته وكلمته ان حركاتها اوفر تلمس وجهك وايدك واوفر يعني ما عجبه وقال انا خالها وسندها واقرب واحد لها وبنفس الوقت راح يخبرها وسووا ستوري في الواتس يغيظوني فيه))
اسمعيني حبيبتي .. ترى الزواج و الطلاق مو شيء سهل .. ولا هو لعبـة .. الحين تزوجتـي و انحسب عليك زواج .. يعني لازم تتغيرين بكل معنى الكلمة و تسوين المستحيل عشان تنجحين زواجك ..
كل ردودنا مارح تنفعك لو ما تغيرتي .. لازم تقوين شخصيتك و تلعلعين وتوقفينه عند حده من ناحية المكالمات مع البنات .. قولي بلا منفتح بلا قلة حياء هذي اسمها مسخرة !! وحبذا تاخذين صور وفيديوات دليل على كلامه
لكن هذا متى ؟ بعدما تسوين رصيد حلو من الحب معاه .. خليك صديقته .. حتى وهو بشغله الي تقولين بمنطقة ثانية .. راسليه علقي على رسايله ارسلي له صورك سناب .. كلميه دايم .. امدحيه و مع ذلك استأذني لا تطولين وقولي انك مشغولة بالشيء الفلاني عشان يعرف ان لك اهتمامات غيره
قوي قلبك و ابني رصيد محبة بعدين اذا شفتي شيء تكلمي براس مرفوع و كأنك بايعته قولي اذا شفت غلط مارح اقعد لك دقيقة
اما تقعدين تتشكين ، ترى بالنهاية بتكونين مطلقة وبشخصيتك هذي بتكونين فاشلـة للأبد لا سمح الله ، خصوصاً ان حتى دراستك الي هي سلاحـك تخلينها تتأثر بمشاكل زوج !!
معقولة ماتعرفين أهمية الشهادة ؟؟
الله يوفقك و يارب تتقوين ترى مالك إلا نفسك انتي الي بتطلعين نفسك من الدوامة ذي ، سوي كل شيء عشان ما تتحسفين لو بعد سنوات !
هل انا فاشلة
متابعة النقاش، صفحة 2
