الرغبه بالحياة والطلاق

السلام عليكم
انا ي بنات مو موظفه م زلت ادرس لاني تزوجت صغيره واطفالي صغار
ماقدر اسكن لحالي ولا عندي دخل ولا راتب ولا شي طول جلستي عند اهلي هو يحولي مصروفهم
امي دايم تسبني وتقول ليه تزوجتي واخواني يقولون ارجعي وغصب عنك معاك اطفال وعطيه فرصه وابوي كذالك
ي بنات النفس عايفه انا راح انتحر لو رجعت عنده شفتو الي تكرهون الشي لانه اذاكم كثير وتشوفون ان الحياه في بعده جنه


ي بنات رجعتي له عذاب حارمني من الدراسه وحارمني من الخرجه ومن تكوين الصداقات ومن الخروج حتى مع اهلي انا معاه في سجن عاداتهم متشدده والمراه عندهم لاشي فقط للبيت والطبخ م يحق لها الحياة
امي عالطالع والنازل تقول ليه تتزوجين واذا ابني راح لابوه زياره يرجع يبكي يبي ابوه تقوم امي تقول ابنك قطع قلبي يبغا ابوه
من قهري صارخت عليها وقلت لو الله ينزل ويقول ارجعي لزوجك انا مارجع حطوها في بالكم لو تسوون ايش مارجع
اهلي يحبون عيالي واهلي متفتحين لاكن مستحيل يخلوني اسكن لحالي بالمقابل راح اعيش حياتي واكمل دراستي واتوظف وعيالي يكونو مبسوطين وانا مرتاحه نفسيا وجسديا لاني ابتعدت عن انسان وقح ولا يستاهلني
صحيح اهلي يجرحوني بكلامهم واتضايق لاكني المهم اني اكون مرتاحه ورغبتي تحققت
انا مابغا ارجع ولا افكر انا من جوا رافضه ولو حاولت اقنع نفسي خلاص ارجع ي بنات اتذكر عيشتي عنده زي السجن زي العذاب


ليه ارجع وانا حياتي مره وحده مابغا اعيشها بعذاب والم

جربي يمكن تعدل ارجعي بشروطك وإذا ماشفته اتغير اعملي اللي يريحك بس لامانع من انك تحاولي من جديد وتشرطي على شروط صارمه في تغير حياتك للأفضل أن وافق عليها كان بها وإن ماوافق فلك الحرية

..

لو ما معك عيال اقول لك انطلقي للحياة اللي تبينها وبالطريقة اللي تريحك
لكن قرارك الان مرتبط بالمساكين الاشبه بالايتام ان تمسكتي برأيك بالطلاق يعني يتشتتون عن ابوهم ويستمرون معك عند اهلك اللي بنفسك شايفة كيف معصبين عليك او ان ابوهم ياخذهم وينشلع قلبك معهم
فكري في اطفالك ومستقبلهم ،، استقرارهم ،، بيت يأويهم ،، دراستهم ،، مراحل دراستهم القادمة الى الجامعها ،، مراهقتهم ،، غيابهم عن البيت الطويل في ظل عدم وجود اب مسؤول ،، وتدخل اخوالهم في تربيتهم الكل يامر وينهى عليهم وممكن لو نيتهم حسنه في تربيتهم وتوجيههم لكن لن يكون شعور الاب الا من الاب نفسه ،، وانت نفسك لن تتقبلي ذاك الا من ابوهم ،، ثم انً نفقاتهم بتزيد وسيحتاجون من يشتري لكل شاب منهم سيارة ومحتاجين من يزوجهم .... الخ
هل لأجل حريتك وخروجك ومقابلة صديقاتك وشرب قهوق في كوفي او عشوة في مطعم ،، تفادين وتضحين بكل ذلك ؟؟؟
خلي تفكيرك عقلاتي وواقعي وحكيم ،، واسمعي شور ابوك لا تندمين باقي عمرك ،،
خطو شروطكم واهمها ما يمد يده عليك ابد ،،، وبصراحة عاد عيب تقولين له تخسي واضح لا احترام بينكم وان فُقد الاحترام فقد الحب .. يعني رغم تقولين عصبي ويضرب وقوي وانتي طناش باستهتار
احترميه لييحترمك ،، وقدريه ليقدرك ،، واشكريه ليعطيك ،،
اعطيه فرصة اخيرة وغيري من نفسك واجلسي مع زوجك قولي انا مستعدة احترمك واقدرك واشوف طلباتك واسمع كلامك ولكن انت ايضا لازم تقدرني وما تهينني ولاعاد تمد يك علي وان نتبادل الاحترام وان تعطيني مصروف وتطلعنا تمشينا وهذي الفرصة الاخيرة امامنا خل نفتح صفحة جديدة
ولعلمك معظم المتزوجات المهتمات باطفالهن وبيوتهن نادرا تشوف صديقاتها ،، هذا ان وجد صديقات صدوقات لا تخربين بيتك لجل وهم ،
واضح انك صغيرة وتفكيرك محدود ،،، الدراسه مارح تحل مشكلتك ولا توفر لك ذيك الوظيفة اللي تتوقعيها ،، شوفي كل البنات اللي يبيعون في المولات جامعيات وحتى الويتر في المطاعم جامعيات
زوجك محترم وحتى مصروف عياله قاعد يرسله لكم ،، وطفلك ينشب في ابوه وما يبي يرجع ويقعد يبكي هدا لأن الوه فعلا اب حنون والطفل ما يعرف يجامل في للمشاعر
انت بص راحة شكل احد لاعب بعقلك او تتابعين هالسناب وشايفة حياة المشهورات وعلى بالك تبيم مثلهم وان زوجك العقبة الوحيدة
فوقي قبل يفوت الاوان ولو تطلقتي روجك بيتزوج غيرك وينساك وتنشبين بالتربية مع تشتيت فلذات كبدك وممكن فعلا يختارون الحياة معابوهم

الله يصلح حالك ويفرج همك