أعظم مصيبة في التعدد قهر للأولى بالتحديد

حياكم الله
قرأت أحد المواضيع هنا أم خايفة على بنتها زوجها يعدد لأنو هي زوجها تزوج.
أنا أعذر أمها لأنه بعد ماكان زوجها لها فقط ولأولادها صارت تتقاسمه مع أخرى. كان في العيد يطلعها هي وعيالها ويفرحون وينبسطون وبعد زواجه الله أعلم هل سيكون يوم العيد يومها ولا يوم ضرتها وبعد ماكان يواسيها لما يمرض أحد عيالها صار مشغول مع بيته الثاني وعياله.
الشرع طبعا لايأتي الا بالخير والتعدد فيه خير اذا كان هناك سبب مقنع عند الرجل..مو يقولك والله ابغا أتزوج عشان زوجتي مو مهتمة بالبيت و الأعذار الفاضية طيب ليش مايجيب لها شغالة تساعدها وتخلي لها وقت أكثر تتكشخ فيه وفي النهاية الشغالتين أرخص من انه يفتح بيت تاني صح ولا أنا غلطانة؟
حتى الله عز وجل قال ولن تعدلو بين النساء ولو حرصتم عشان الأزواج يخافون إنهم مايعدلون ويخلون وحدة بس..
لكن هيهات هيهات.. ربنا يعوض الكل في الجنة فالراحة هناك