التجمع العاشر لحوامل ستمبر (9) & أكتوبر (10) 2021 💓💙

اهلين كروشات كل عام وانتم بخير 🌷❤️
مشاعل الف مبروك البنوته💖
انا مالي كرشه على قوله البنات كانه قولون فوق ناط تحت مافي شي 😅
اللبس لبست فستان ناعم ورحت لاهلي واهل زوجي بس ثاني يوم كانت عندنا جمعه بشاليه واعتذرت واليوم بعد في جمعه عند وحده بيتها واعتذرت مالي خلق زحمه ناس

يسعد مساءكم يا كروشات
انشغلنا بالعيد بس ما نسيناكم
مبروك للي عرفو الجنس وعقبال الي ما عرفو للحين


هالعيد سبحان الله كان سريع بس خفيف وحلو اللهم لك الحمد استمتعت فيه وفعلا غيرت جو الثلاث ايام كانو مع اهل زوجي بس اول يوم رحت زياره سريعه لأهلي وزيارة لجدة زوجي الكبيرة
احنا في عُمان عيدنا فيه فعاليات والسنة الماضيه كان عز كورونا وحظر كلي ما سوينا شي 🤭 هالمره الحمدلله سويناها كلها واستانسنا والصغار انبسطو مع عيال عمهم
ما في شي نكد علينا الا طاري انه بكره على طول دوام اجازة العيد قصيرة مره بس ثلاث ايام العيد

اما لبس العيد
انا مجهزه لبسه اي ولبنتي نطقم اول يوم والحمدلله جات تمام مع اني مجهزتنها من قبل رمضان بس سويتها ستايل حوامل
وباقي الايام والغيارات كله لبسات وجلابيات مغربية خفيفه وبس
ما اتحمل البس ثقيل مع الحمل ما احب شي يمسك جسمي

بشاير حبيت الحفله وتجهيزاتك ماشاءالله
حمستيني اجهز حفلتي لعيالي
طبعاً ما قدرت امسك نفسي وقلت لزوجي مع اني كنت ناويه افاجأه بس من الفرحة 😂
ناويه اسوي لهم جلسه تصوير ومعرفة جنس الجنين نفس الوقت عشان اصور ردات الفعل وكذا متحمسه اكثر شي لردة فعل بنتي
يا قلبي عليها من قبل لا اجمل وهي تدعي دائما ربي يرزقها اخت

يارب