التجمع - الاول - لحوامل شهر 🕊 يناير (١) & فبراير (٢) ٢٠٢٢ 🕊

السلام عليكم بنات
انا اول مره احمل
لكن لي ٣ ايام متفرقه يجيني ألم زي ألم الدوره قوي شوي و ينزلمني دم وردي ويستمر كم ساعه ويختفي واحيان معه زي التكتلات الغامقه
ولا اعرف السبب انتظر بس يفتحون المسشفيات عشان اتطمن لأن الطوارئ قالت لي عادي بس انا خايفه ابي كشف دكتوره شاطره تطمني
طمنوني بنات

هلا و الله
الله يبشرج بالحمل السليم يا رب
لاا مو شرط تحجر الصدر او روحه الحمام عادي مرات ما تحسين بو لا شي من الاعراض
و مرات تحسين
بهالحمل اول مره حللت ما بان الحمل بس سبحان الله كنت متأكده اني حامل بعدها بيوم حللت بان و الحمدلله علما ان اول تحليل بكلير بلو ديجتال يعني المفروض وايد حساس و يبين النتيجه عدل
المهم
الاعراض اللي حصلت لي
افراز ثقيل و انتي بكرامه و انا بالعاده ما فيني افرازات
رائحه البول مكرم القارئ قويه شوي
لوعه خفيفه جدا و حرقان بالمعده بعد ما قربت من موعد دورتي
حراره خفيفه بجسمي .. و يوم حللت و طلع سلبي بنفس اليوم بليل نزل نقطه دم من خشمي هني تأكدت اني حامل و قررت اعيد التحليل لان نزول الدم من خشمي علامه حمل بكل حملاتي
جسمي و عظامي يعوروني حتى هذي علامه حمل بكل حملاتي ا

و الحمدلله الله اكرمني
للعلم مو شرط تكون فيج و لا علامه
و ان شاء الله تحليلين و يكرمج و تبشرينا

مستسلمين وش نسوي
أنا اخذ حبوب غثيان وزادتني دوخه وكسل بكل مكان أنام وماني قادره اصحصح

أنت كنت اروح كثير الحمام وماجاء ببالي حمل رحت احلل سكر خفت لايكون منه والحمدلله طبيعي بعد فتره عرفت اني حامل
بالنسبه للصدر مالاحظت لأني ارضع

وعليكم السلام
هو يجي الم الدوره بس مو قوي وبدون دم
لازم تسوي سونار وتشوفي السبب