السعوده موظفه وهي عاطله

مرحبا صبايا ..
اختي زوجها سجلها بالسعوده وهي ماتدري .. بس كشفته لقت بجوالها رساله انها موظفه بشركة فلانه الفلاني .. زوجة ولد عّم زوجها ..
وتقوم الدنيا وماتقعدهاااا .. تقول كيف يستغفلني ويعطي ولد عمه اسمي .. وطالبت براتب وكل شهر يقولها بعد شهر .. والحين لها ست شهور ..
واتصلت علي تقول بتعلم اخواني ... عشان ينزلون اسمها ويشتكون وزارة العمل ..


وزوجها قلب عليها وقال لها بتفضحينااا عشان اسم هذا ولد عمي ويمون علي .. وبيعطيك خبره مدة سنتين .
وصارخت عليه دام يمون عطه راتبك .. اسمي ينزله ولا بشتكي والخبره يبلها ويشرب مويتها .. ولا باتصل ع اخواني
( عندي اخ ي بنات مايتفاهم الا بالضرب ) وامي دايم تخاف عليه وتقول لنا لا تشتكون قدامه
المهم تقول زوجها كلم ولد عم وقال المره تبي راتب ولا خلاص نزل اسمها بتفضحنا مع اهلها ..
وله يومين برطم زعلان وحالته حاله ويصد عنها وينادي عيالها ويسولف معهم وهي لا ..
.. الي بالسعوده يعطونكم راتب ولا لا ..؟