هو الضيوف كذا؟!

سلام بنات
لما كنت ببيت أهلي كنت أنا وأخواتي نخدم الضيوف وأمي جالسة تسولف معاهم ماتقوم وطبعا بماإني بنت ماكان عندي خبرة أبدا بالزيارات المهمم بعد الزواج لما يجوني ضيوف يابنات نهاااائي ماأجلس معاهم ولو جلست جلستي ثوااني والله ماأكمل دقيقة جالسة ويصير هم كل شوية يقولون تعبناك اجلسي اجلسي، بس أنا ماأقدر أقوم أصب لهذي وأدور بالحلى والأكل أو اكتشف شيء ناقص وأروح المطبخ أجيبه يعني من جد مرررة ماأجلس ولاألحق أسولف معهم، قبل كم يوم جوني ضيوف قهويتهم فنجال واحد واكتفوا وطلعت أسوي الشاهي رجعت لقيتهم قايمات رايحات بيوتهم انحرجتتت إني ماجلست معاهم يااهو انتظروا سويت الشاهي ورفضوا الصراحة تعببت ماأدري فعلي صح ولا عيب لازم أقعد مع الضيوف! مهما جهزت كل شيء من قبل لازم يصير شيء وارتبش رايحة جااية ممكن إني بطيئة! أو ماأعرف الصراحة لإن يجوني مجموعات ماشاءالله مو أقل من ٦ أشخاص

26 تعليق 4,928 مشاهدة

شاركي في النقاش

سجلي الدخول لإضافة تعليق.

التعليقات

26
  1. @newmum

    -
    خطاء مرة ..
    المفروض قبل يجون ضيوفك بـ ساعة أو حتى أكثر..
    تكونين حاطة طاولة بنص المجلس فيها القهوة والشاي والحلا والمعجنات والفناجيل والبيلات والصحون والملاعق لو الوضع يحتاج !
    والمويا والمناديل والبخور وكل شيء يكون بـ المجلس قبل يجون..
    أنا لو أزور وحدة كل شوي قايمة للمطبخ مابجلس بقوم واطلع لان جد وش الفايدة انا جاية اشوفها واجلس معها واشوفها واسولف معاها..
  2. صاحبة الموضوع
    NewMum
    - خطاء مرة .. المفروض قبل يجون ضيوفك بـ ساعة أو حتى أكثر.. تكونين حاطة طاولة بنص المجلس فيها القهوة والشاي والحلا والمعجنات والفناجيل والبيلات والصحون والملاعق لو الوضع يحتاج ! والمويا والمناديل والبخور وكل شيء يكون بـ المجلس قبل يجون.. أ…
    كل شيء ياحبيبتي حاطته والله قهوة وشاهي وحلى ومكسرات بس الحلى كل شوي ادور بالصحون عليهم واقوم اصب لهذي وهذي قهوة أما الشاهي رحت ازبطه لانهم مايحبون شاهي الثلاجات قلت اسوي لهم لما يجوون
  3. صاحبة الموضوع
    أكره نفسي لما يمشون وألومها ومايروحون إلا رجولي تعورني
  4. @newmum

    fake
    كل شيء ياحبيبتي حاطته والله قهوة وشاهي وحلى ومكسرات بس الحلى كل شوي ادور بالصحون عليهم واقوم اصب لهذي وهذي قهوة أما الشاهي رحت ازبطه لانهم مايحبون شاهي الثلاجات قلت اسوي لهم لما يجوون
    -
    ياعمري شكلك تحتفين بـ ضيوفك مررة..
    الله يسعدك ويعزّ مقدارك..
    حاولي ماتتكلفين خليك عااادية وزعي اول مرة وخلاص اللي تبي تاخذ..
    واذا مايحبون شاهي الثلاجات بكيفهم اذا راحوا بيوتهم يصلحون لهم شاهي..
    انتِ حاولي تكونين مع ضيوفك وماتتركينهم الا لـ الضرورة..
    بعضهم يفهمها انك مشغولة ومضغوطة فـ يمشون..
    والله اعرف وحدة من شدة برودتها اذا جوها الضيوف تحط ترمس القهوة بحضنها وتصب لها لحالها وتتقهوى وتنسى الضيوف! 😂😂
  5. @nor_alzbydy_1

    لا ما يصير الضيوف جايين عليكي والا جايين ياكلون. طبعا في كرم ضيافه بس اذا انتي طبعك تحطين وتسوين كثير جهزي الضيافه قبل لا يجون والقهوه والشاهي والحلا ما في داعي كل شوي تروحين المطبخ

تابعي تجارب أخرى من هذا القسم.