هو الضيوف كذا؟!

شوفي ياحبيبتي قبل يجون جهزي ٢او٣ ترمس قهوه وشاهي كذلك

وحطي طاولات خدمه عند الضيوف والحلا وزعيه اول مره وانتي قايمه ثم ابدي مدي للي جنبك ثم هي الي جنبها وكذا يمشي الحلا

وماتضطرين تقومين اذا جهزتي كل شي شاهي وملاحقته والقهوه كذالك
وترتاحين ماتقوين الا لضروره ولاتبطين

يااختي كان سالتيهن ليش راحن ووضحتي الاامر
يمكن مره تااخرتي فكروك انك تصرفينهم
عموما
كل شيء جهزيه من قبل وحطيه فوق الطاوله
والشاهي فيه السخانات اللي تتحمى الابريق زي الصينيه وتشبك بفيش تشبكينها وتقصرين الحراره وتحطين الابريق فيها
وبكذا ماتقومين
او اذا ماتوفرت لك تكونين مجهزه ثلاجه او ترمس فيه ماء حار بس تدخلين المطبخ تشغلين النار على الابريق وتحطين الماء الحار والشاهي وخلاص
مو تاخذين وقت تحمين الماء
او حطي الشاهي بثلاجه ولبتون خفيف وصبيه ببريق وحمي شوي وش بيعرفهم انه بثلاجه 😂
واستاذني قولي شوي بصلح كذا وكذا
وبالنسبه للتقديم
حطي بكل طاوله صحون وفيها التقديمات حقتك
وقولي تفضلوا وكذا
ياكثر الحين كذا كل طاوله فيها ثلاجه قهوه وشاهي صغار
والضيافه وخلاص كلن يخدم نفسه
وقولي اسهل وتاخذون راحتكم ونمون وكذا
الااذا مو عاده عندهم وعيب مع ان اشوف الكثير كذا
راحت سالفه اقوم ادور بالصواني واصبب وكذا
الى الماء محطوط والملاعق ولو سكين شوك سكر مناديل
الى لبتون والنعناع وغيره حتى السجاده للصلاه
راحوا مره وحده ينشالون وبس
ولو زحمه اكون مجهزه صينيه كبيره واشيل فيها حقات العصير او القهوه واحطهم على جمب وبس

الله يسعدك من جيل الطيبين.ماشاءالله تبارك الله عليك

شكلك اذا وحتي تسوين الشاهي تبدئي بتجهيز الفناجيل والتبسي تغسليهم والسكرية وعلى اقل من مهلك ،، لا ما ينفع تبعدي عن ضيوفك مدة طويلة ،،
كل شي جهزيه قبا يجون ، وحطيع عنك بالصالة
واذا انت من النوع اللي تبغين الشاهي في براد ما تبغين ترمس تكوني مجهزة الموية فايرة والشلي والنعناع في البراد والفناجيل في التبسي يعني مجرد تروحي تصبي الموية في البراد وتجيهم

قبل لا تجي الضيوف خلي قهوتك جاهزة ع الطاولة
بالبدايه الشاهي او العصيرات قدميها انتي والموية اصناف الاكل قولي لهم اللي تشتهي تمد يدها
خصوصا لو كانت الضيوف معتادة دخول بيتك
انا كذا لما اسوي دعوة لجماعة اقدم علب الموية اول م يوصلون بعدها الشاهي او العصيرات اذا صيف اجهز عصيرات طبيعيه منعشة
بعدها اقول لهم البيت بيتكم والمكان مكانكم تفضلو وافتح اصناف الضيافه اعرفهم وبالعادة جماعتي كل وحدة تشتهي صنف تقدمه للجميع وبكذا كلنا نتعاون وم يصير ضغط التقديم علي
لو كنت مكانك م بكثر صنفين مالح وصنف حلا او صنفين حلا وصنف مالح اذا الضيوف م عندهم مبادرة التعاون