عجزت اتجاوز الصدمات

السلام عليكم ورحمة الله وبركاته
لنا سبع سنين متزوجين وماعاد فيه شعور بالامان والثقة فيه لاني اكتشفته كاذب علي كذبتين كبار احداهم اكتشفتها اول زواجنا وطوفتها له انه مسوي عملية دوالي واثرت علينا بعد سنين انجبنا بسبب عقمه والكذبة الثانية اكتشفتها برمضان انه يتناول ادوية نفسية من قبل زواجنا
واثرته على مزاجه وعلى علاقتنا الخاصة من كنت عروس البس له ويتعذر انه مرهق يتعذر انه مشغول ياجل والله ماكان يقرب الا مره كل اسبوعين وكان معه ضععف انتصاب واللي مجربين حاسين بالمعاناة تشكين بانوثتك تشكين انك وصخة وانك مو مغرية مع ان جسمي والله العظيم جميييل والكل يقوله وحتى اهتم بنظافتي واتروش قبل كل علاقة وكل شوي عند طبيبات نساء اشيك وانا ما اعرف انها من اعراض الدواء الجانبية وفوقها تقلبات مزاجه الغريبة فجأة يلعني ويسب بدون سبب وانا على نياتي احسب سالفة العقم زاعجته
انا شعوري غريب اتجاهه اصبحت لا اراه الا كاذب قلبي لا يكن له اي حب مثل السابق والى الان مازال يكذب علي بتوافه الأمور وباكبرها لا استطيع الطلاق لوجود طفل ولان نفسيتي مدمرة ان اعيد بناء حياة جديدة وانا تعبت ببنيان حياتي هذي والله بردت مشاعري اتجاهي لو وجدته يخون اسوي نفسي ما اشوفه وله سنتين عيونه زايغة طايرة بالحريم ويتضحك معاهم وانا ساكتة متحملة مع انه ماكان كذا ياناس مصدومممة فيه ولايعه كبدي منه والله لليوم يكذببب علي يكذببب علي بكل شي حتى صرت صامته معاه مالي خلق اسولف حتى قبل ما اسولف اقول بخاطري ليه اسولف واساله عن شي كل كلامه بيطلع كذب واخته مخطوبة وكل شي صار باقي ملكة بس وهو ينكر انه للحين ما صار شي بس مكالمة حريم واهله الملاقيف ساكتين كأن مافي شي عشان يسوون دقتهم المعتادة فيني يبلغوني هم وولدهم بنفس اليوم عن الملكة عشان يطلع شكلي بايخ وينتقدون لبسي اكثر من مره يسوونها فيني رغم انهم ملقوفين يسألون عن اهلي وخطباتهم ويعرفون عن الملكة قبلها بكم يوم ويحضرونها وانا اعرف اهل خطيب اخت زوجي وعارفة بالسالفة منهم والله حتى زوجي مايبي يقول اي معلومة عنه كل شي مدري مدري مدري وهو حتى مهور خواتي يعرفون فيها وخواته اذا حضروا صوروا شبكات خواتي وام زوجي تراقبهم من حمل من انخطب من توظف كم رواتبهم مترصدة لنا حسبي الله ونعم الوكيل فيهم
ايش اسوي معاه ابي اصير انسانة مطنشة لهم وله ابيهم مايهموني


اخاف يغدر فيني اخاف يطلع مكذب علي بعد وانا للان ما اعرف