قهرتني ب اسلوبها على زوجي

السلام
والله بنت خالي مدري كيف تقط كلامها
الحين زوجي عنده اخوان ٢ ماتو بحادث سيارة تقريبا بنهاية ٢٠٠٥ قبل ما اتزوجه بسنة ونصف
كانو شباب الله يرحمهم واحد يمكن كان عمره ٢٤ والثاني ٣٢
والله كان زوجي يعشقهم عشق مو طبيعي وخصوصا الكبير كله معاه وانصدم بوفاتهم يعني دخل بحالة نفسية طويلة من بعدهم ولازال وفي لهم ومتذكرهم بدعائه وصدقاته كل ذكرى سنوية لهم يذكرهم وبعض الاحيان يبكي يعبر عن اشتياقه لهم ولو انهم موجودين الحين انا الاحظ فيه بعض الاحيان معلق صورتين لهم كبار بالمجلس يطالع فيهم دقايق ويتفحص وجوههم
والله بنت خالي اليوم ببيت اهلي نتكلم وتقولي زوجك تجيه حالات شي
قلت لا حالات ولا شي وش تقولين انتي بسم الله عليه مافيه شي ومن وين لوين تعرفينه
قالت لا ابد زوجي يقولي الاسبوع الماضي بدفن الشيخ لي توفى لاحظ زوجك قاعد قدام قبرين يمكن اكثر من نصف ساعة بس يمسك التراب وكأنه يسولف معهم ويروح يبلل التربة بالموية ويرجع يقعد بين القبرين
قالت كلامها ب اسلوب شين تحسسني زوجي مجنون ولا في بعقله شي وامي قالت اسكتي عارفة انها وقحة بكلامها بس احتسبي الاجر واكتمي غيظك
والله انا انقهرت منها ومن اسلوبها وبنفس الوقت مدري زعلت على زوجي او خفت عليه مدري ليه مسوي هالحركة هذي اول مرة اعرف فيها السالفة انا اعرف انه كل جمعة يزور قبرهم بس مدري انه يقعد كذا
قلت اكلمه بعدين هونت قلت لا بس اشوفها عادي وطبيعية حتى الكل يقولي لما سمع السالفة زوجك فيه شي قلت مافيه شي شفيكم انتم كل وحدة تلتهي بنفسها وزوجها وبيتها ولا تتدخل فينا
صممو يطلعون الرجال مريض نفسي

36 تعليق 4,099 مشاهدة

شاركي في النقاش

سجلي الدخول لإضافة تعليق.

التعليقات

35
  1. @newmum

    -
    زوجك مو مجنون ولاشيء..
    زوجك مّر بـ تجربة صعبة وقااسية وصعب ينساها..
    زوجي أخوه متوفي من أكثر من ٨ سنوات بـ طريقة بشعة مات لانه نام وهم مقهور وللأسف ماصحى..
    زوجي إلى اليوم يسولف عنه وعنده صور وأغراض أخوه ,حتى اصحاب اخوه يحب بتواصل معاهم..
    شيء طبيعي يحسون بـ الألم الفقد ابداً مو سهل الله لايذوقك إيااه..
  2. @alaaz_balaslam_2

    و اول عيد بعد وفاتها بكم شهر كان عند اهل زوجي تقولي اخت زوجي الله لا يسامحها حتى في مصلى العيد تنافخين و انا كنت منهاره بكى و سلفتي جنبي تواسيني و واضح ان عيوني مليانه دموع يوم سلمت عليها قلت هذا اول عيد من دون اختي انتي متهيله قالت امها الله يرحم اموات المسلمين !!!
  3. وإذا تكلم معهم عادي يفضفض عن الي في داخله من حزن شي طبيعي من كثر حبه لهم لاحول ولاقوة الا بالله الناس حتي بالمصايب يدققون 💔💔💔💔
  4. @hadeel_hadeel

    لا تحكيله اشي هوه لانه متعلق فيهم بده شوية وقت كمان فراق الاخوه صعب وبنت خالتك لا تسكتيلها مره ثانيه عشان ما تكون غصه بقلبك دايما احنا بنسكت وبنصير نتندم ليش ما حكينا

تابعي تجارب أخرى من هذا القسم.