💌التجمع (2️⃣6️⃣) لحوامل🍼مواليد يوليو واغسطس 2021

نوني اعتقد انك مره قلت عن السرير صح ولا انا غلطانه المهم اني قارنت اليوم بين كذا ماركه في المحل الي ميزانيتها تسمح تاخذ chicco كولتي ممتاز الي next to me ومستقبلا تستفيدون منه البيبات الي عقب اذا الله راد انا باذن الله بخليه لين اخر الشهر وباخذه

وحشتوووني كلياتكووون💕💕💕
تسلم الايادي يا نوني وش هالحركات مكشختنا 😍😍
الله يجعله تجمع خير وبركه
مبرووك الشيخ الحلوه اجت عقبال تشوفينه بحضنك يارب 💜💜
بنات انا اعتذر لكم ولنفسي ع الايام الي كنت اشتكي فيها صدق كنت اتدلع الحييين بين التعب الحقيقي 😂
عشان كذا قررت معد اشتكي بخلي الشكاوي للتاسع والحين بحاول استمتع واغصب نفسي ع النوم حتى مع الم الظهر لان خلاص شهرين ان شاء الله وبيبدأ السهر والتعب والصداع 🐣🐣😂💕

نوني شكل النوم بيتعدل من التعب مع انه قاعده في المحل على كرسي واطرش خواتي عطوني هذا وهذا وانا قاعده 🤣😂طبعا كل وحده منفسه ودهم ياكلوني ويسطروني فقلت اسوي نفسي مديره عليهم واخليهم يجيبون لي شي ما ابيه وعقب اقول لا رجعوه لما رجعنا البيت قلت لهم امانه سامحوني كنت اخليكم تجيبون اشياء ما ابيها ابيكم تحسون فيني عقب ما اولد بالسلامه معاد طرشوني وايد ارحموني ☺️😅لانهم اكبر مني ودائما يطرشوني فقلت فرصه يابنت وجاتك😂😂😂😂لاترحمينهم

سويتها قدمتني اسبوع على اخر سونار 😂
واسبوعين على اول سونار
بس تطمنت شويه لان انا تبويضي متأخر ومجهول 😂😂

والدكتوره قالتلي الولاده ممكن تكون قبل او بعد الموعد المتوقع باسبوعين

ماشاء الله حلو انجزتي لبس العافيه يتهنى فيها البيبي

انا لسه انطفى حماسي للتجهيز اخر شي شريته بالرابع سله موسى وملابس بسيطه
بس امس سويت جرد وجهزت سلتي في نكست
اخذت مجموعه من ٠-٣ ومجموعه من ٣-٦
وبطلب وبشوف اغراض الصيدليه
محتاره بين بيجون وموستيلا وشكلي بستقر على بيجون وباخذ كم شغله من موستيلا