💌التجمع (2️⃣6️⃣) لحوامل🍼مواليد يوليو واغسطس 2021

نصيحة لكم يا بنات خصوصا البكريات
وقت النفاس اهتموا بأكلكم وتغذيتكم
الحلبة جدا مهمة خذوها لا تهملونها لأن آلام الظهر بتلازمكم لو ما اهتميتوا .. وأيضا المشروبات الدافية لا تنسونها جدا جدا مهمة
والسوايل كثروا منها بتفيدكم في ادرار الحليب بإذن الله
والتمر المعجون أضيفوا معاه الي تتقبلون حلبة رشاد حبة سوداء سمسم قرفة زنجبيل هذا الي جا في بالي حسب رغبتكم يعني مو لازم تتقيدون بشي معين


مشروب الكاسترد لذيذ جدا أكيد تعرفونه بإمكانكم تضيفون له رشاد مرة ممتاز صحيح بيتغير طعمه لكن بيكون مستساغ


وقت الرضاعة الطبيعية لازم جلستكم تكون صحيحة والا بتجيكم الام وأهم شي الصبر الصبر الصبر وطولة البال رغم التعب لكن سبحان الله مشاعر الأمومة تفوق والأم تتحمل كل شي في سبيل أطفالها فما بالك في رضيع صغير ما يميز


كلكم رضعوا طبيعي لا تهملون هالنقطة الي عندها قدرة واستطاعة لا تحرم نفسها وطفلها من الفايدة

لا حنا احيانا يسمي ع ابو الزوج مو اكيد بعد
الاغلب مايسمون اصلن الاجداد مايبون يبون الاسماء الجديده

كلامك يعطينا طاقه ايجابيه وحماس 😍😍

جزاك الله خير .. اتمنى ربي يعطيني طولت البال لان اطفالي تحسفت اني ما رضعتتت

ماشاء الله حلو كذا👍🏻

بالنسبة لنا زين اذا جت الأسماء عالأم والأب بس
يعني أحيانا ودهم تسمين عالعم مثلا أو جدة الزوج لكن بالنسبة لي مو مقتنعة ولا أفكر أسويها

أنا من المشجعين عالرضاعة الطبيعية وبقووووة رغم إن الظروف ما تساعد أحيانا لكن اذا تقدر الوحدة تعطي الطفل حقه فلا تقصر معاه

وان شاء الله هالمرة بتكون غير وبترضعين البيبي ♥️😍😍
حتى بعد الولادة أقرب وقت خذيه رضعيه حتى لو كنتي تعبانة تحملي



أول ولادة لي كنت أحس إني طفلة😝🤣 ولدت بنتي ولا رضعتها الا بعد ما جت الممرضة وسألتني انتي رضعتي البيبي قلت لها لا وبراسي علامات تعجب!! قالت ليه تخلينها وأنا في بالي انها لازم تصيح عشان أرضعها طالما ساكتة أخليها 🤣🤣
يا عمري جلست وقت طويييل ما رضعت يوم حسبت الساعات جاني تأنيب ضمير🤣🤣🤣🤣