ممكن استفسار من الي قطعتها الدورة او متلخبطة

السلام عليكم


أنا عمري ٣٧
و عندي ضعف في مخزون التبويض و تحليل AMH أقل من نص
٠:٣٢
و الدورة لها سنة ملخبطة
تتأخر مرة يومين أو ثلاثة
مرة اسبوع
و اخر مرة تأخرت اسبوعين






سؤالي و الي شاغل بالي حاليا
لما تقطع و ما عاد تيجي كيف اقول لزوجي؟
و ايش تكون ردك فعل الزوج؟
مع العلم زوجي عنده ضعف شديد في الحيوانات المنوية
و احيانا يكون تحليله صفر




شايلة هم لما توقف الدورة و ما عاد تييجي كيف اقول له


يا ليت تقولوا لي تجاربكم أو أحد تعرفوه


مع خالص الشكر و التقدير

42 تعليق 4,353 مشاهدة

شاركي في النقاش

سجلي الدخول لإضافة تعليق.

التعليقات

42
  1. @sdf_aamr

    وعليكم السلام ورحمة الله وبركاتة
    عمرك صغير على انها تنقطع الدورة
    واللخبطة هذي شوفي لك دكتورة تنظم لك هرموناتك
    والمخزون قليل طبيعي بعد ال٣٥ يبداء يقل المخزون بس مع المنشطات تطلع بويضات والله يرزقك الحمل
  2. @hyfaaaoalmstkhby

    بيرتي ياعمري شفيك صرتي متشائمه فكري كيف ترفعين من نسبة المخزون بدل ماتفكرين انه دورتك بتنقطع لاتيأسين ابحثي عن حقن المبيض بالبلازما كثير فاد معهم وجربي بعد تاخذين مضادات الاكسدة زي الكيوتن ياكثر الحريم اللي يقعدون شهوووور ماتجيهم الدوره ويحملون وتاخيرها اسبوعين مو شي مقلق ابداااا
  3. @umsaad_qatar

    بريتي شلونج ؟؟


    تفائلي وانا اشوف تاخير يوم اويومين مايعتبر خربطه


    وترا النفسيه عامل اساسي للخربطه اللي تصير


    اذكر مره قريت في موقع اجنبي وحده كاتبه انها مخزون المبيض عندها 0.3 والانابيب تالفه وحملت هم مب احسن منج في حسن الظن بالله
    انا ماعرف اذا انتي للحين تفكرين في الانجاب ولا لا


    ولاتفكرين الدوره بتنقطع ترا طبيعي ينزل المخزون مع تقدم العمر بس مب معناته انه مافيج بويضات انتي اللي عليج اهتمي في اكلج وتغذيتج واخذي فيتامينات
  4. @goahr_alshargh

    هلا اختي بخصوص. الدورة مش منتظمه عندج استخدمي عشبة البردقوش يوميا مرتين راح ينظملج كل الهرمونات في جسمك عن تجربه بعد ماخسرت بالادويه وبخصوص. ضعف المخزون تقدرين ترفعينه من خلال هالدوا dhea 25 غرام ثلاث مرات راح يرفع المخزون ويزيد من جودة البويضات وبخصوص زوجج يقدر يستخدم عسل طبيعي مع مع جنسنغ وطلع النخل وغذاء الملكات راح يزيد عنده ... هذا عن تجربه واقرأي عنهم وراح تشوفين والله يسر امرج
  5. صاحبة الموضوع
    صدفة عمر
    وعليكم السلام ورحمة الله وبركاتة عمرك صغير على انها تنقطع الدورة واللخبطة هذي شوفي لك دكتورة تنظم لك هرموناتك والمخزون قليل طبيعي بعد ال٣٥ يبداء يقل المخزون بس مع المنشطات تطلع بويضات والله يرزقك الحمل
    بس المخزون مرة قليل
    و هذا التحليل قبل ٣ سنوات

تابعي تجارب أخرى من هذا القسم.