سبحان الله بعض الناس مايستحون ولا ينتخون

السبب لكل هذي المشكله انتي لأنك تساهلتي وعطيتها السياره هذي سيارتك حقتكم لمشاوريكم

سيارتك لا تعطيها احد ابدا مهما كان ، اولا إذا هى ليس معها رخصة قيادة ترى انت يكون عليك غرامة مالية من ٣٠٠ إلى ٩٠٠ ريال ، وهى كذلك عليها غرامة ماليه ، اما إذا كان معها رخصة فأي شئ يحصل للسياره انت المسؤلة وليس هى ، مثلا صدمت شخص اصيب او مات انت من يدفع الدية وليس هى ، انتبهي تعطيها سيارتك ، وخليها تزعل هى وامها وتضرب رأسها بالجدار ، ما عليك من احد ، سيارتك لا يقودها غيرك .

وعليكم السلام ورحمة الله وبركاته
طنشيها هي وامها هم ناس استغلاالين
يحبون يكشخون بحلال غيرهم
بما انك ماعندك غير هالسيارة وانتي في حاجة لها خليها تزعل
ومردها بتشتري لنفسها ليه تجمع رواتبها على الفاضي هي بخيلة واستغلالية
اعرف ناس نفس هالنوع عندهم فلوس لكن يحبون حلال غيرهم
الى ان يخترب
طنشوهم الى ان يشترون لهم سيارة هم اغنياء هي وامها المعلمة وابوها الي يشتغل في شركة بترول
مو محتاجين سيارتك
بس ياخذونها حسد
الله يبعد عنا الناس الي زي كذا
مايستحون ابد
يعني فلوسهم كثيرة وحاطين عينهم على سيارتك !!
الناس الي زي كذا ماتنعطى وجه ابد

لا منتي غلطانه عداكي العيب هيه قلة ادب وماتستحي هيه وامها ولا بعين قوية يهاوشوا ويزعلوا ماعليكي فيهم اهلك اولى وربي اللي يزعل من الهوا يرضى من الهوا منتي ملزمه تعطيهم سيارتك دام ربي منعم عليها تشتريلها سيارة اعوذ بالله وش ذا الحسد اللي فيها.

ردة فعلكم طبيعية ،، أكرمتيها و لكن مع كثرة الإكرام و الإحسان صاروا يعتبروا إعارتهم لسيارتك شيء واجب !
كثير من الأمور تبدأ من باب الإحسان و مع الوقت تتحول لواجب يُلام عليه الشخص للأسف و هذا اللي حصل معكم ..
عمومًا الآن رديتوا عليهم و وضحتوا انزعاجكم و ما أتوقع بيرجعوا يطلبوا ، لكن حاولوا إن الموضوع ما يتصعّد و يزيد الجفاء بينكم بسبب هذا الموضوع ،،
لأنكم قرابة فبعد مدة حاولوا ترجعوا المياه لمجاريها و تعاملوا بالطيب معهم لكن بدون ما تضغطون على أنفسكم و ثم تنفجروا نفس ما حصل ، و انتبهوا من كثرة الكلام بالوقف عند باقي قرايبكم (الغيبة) لأن بيزيد الوضع سوء.