لالالا بعد الساعة 6

بسم الله الرحمن الرحيم
السلام عليكم ورحمة الله وبركاته

تجربتي مع الرجيم بدت من يوم كان عمري 15 والحين عمري 26 يعني كم؟
11 سنة!!!! والله فشلة لهدرجة انا فاشلة

مومشكلة سوينا رجيم
مافاد

مومشكلة سوينا ربط معدة
فاد بس شوي

جربنا دايت سنتر
فاد كم شهر وردت حليمة لعادتها القديمة

سمعت فلبنية رشيقة تقول
وسمعوا الحكمة

تن ترا راااااااان

(انا اكل من 6 ل 6 بس وما اتجاوز بعد الساعه 6 المغرب خلاص اكل اللي بخاطري طول الوقت اكل بس قبل النوم بثلاث الى خمس ساعات اوقف واريح معدتي واعطيها فرصة تهضم)


جربتها وفعلا ماشاء الله بأسبوع نزلت بالراحة 2 ونصف
بس بعدها سافرت بشغل واخترب النظام

كنت اكل وجبة الافطار (كل مالذا وطاب..والغدا اطيح بالكبسة وبعدها اروح النادي ساعة وارجع اتعشى فاست فود على الساعة 5 او 6 بعدها خلالالالالالالالاص ماكل شي لو جعت اكل فواكه او خضار والحمدالله ماحسيت بجوع بس اول الايام والا بعدها قمت اخفف حتى العشا اخليه من البيت شي خفيف)

والحين ابي ارجع لنفس النظام ابي اضعف قبل عيد ميلادي 1/1
مابقى وقت من يساعدني
من معاي ومن ضدي :22:

انا ابتديت من 3 ايام والله المستعان
اكل عشاي المغرب والليل تصبيرة خبز وجبن ..روب يعني
وبعدها باسبوع يبدا التخفيف علشان مايثبت الوزن وارجع للرياضة بعد ماجسمي يتعود على الاكل الخفيف..صعبة صراحة رجيم ورياضة بنفس الوقت لازم تبتدون واحد قبل الثاني وافضل التخفيف

حتى اوبرا مقدمة البرامج المعروفة (حبيبت قلبي) تتبع نفس النظام تقول على الاقل قبل النوم ب3 ساعات ماكل شي

أهم شي الافطار

وانا صراحة اعتقد جدا بالمقولة اللتي تقول
افطر افطار ملوك
تغدا غدا وزراء
وتعشى عشى فقرا

انتظر مساندتكم

احبكم في الله