زوجي وجوالاتي

انا من النوع اللي احتفظ بحهاز الجوال وماحب اعطيه احد ولا ابيعه
اغلب جوالاتي اشتريها من فلوسي ....
زوجي اشترى لي جهاز جوال ايفون هديه
ماقلنا شي جزاه الله خير
طلع كل مده يقول لي عطيني جهازك القديم الايفون اللي ماتحتاجينه ..طيب هو ليش يبي شي مايخصه مو له ...والجوال القديم ملكي انا ومن فلوسي شاريته !!!! واتا طبيعتي ماحب ابيع اي جهاز جوال ولا اعطيه احد ....احب احتفظ بجوالاتي عندي وهذي حريه شخصيه دامه ملكي ومن فلوسي
.....البارح تهاوشت معاه قلت انت دايم تطري جهازك القديم وجهازك القديم هذا مو مللك ولا للك ...وطالما أنه حقي ومن فلوسي مايحق للك تطالبني فيه .....وزعلت وعصبت مره وش دناءه هالنفس
وقلت له اذا على جواللك الهديه خذه ماعاد ابيه !!!
الله اكبر عاد متى أشتراه يوم اتا طلبته ...وحتى يوم نشتريه بالمحل كان معصب وماوده
وش دناءه النقس هذي ..شاري الهديه مغصوب ويدون نفس
ويوم اشتراه ييبي جهازي الثاني
قرفت منه مقرف
وش رايكم ؟؟؟
انا اشوف جهازي الثاتي اللي شاريته من فلوسي اذا اتا ابي اعطيه اياه من طيب خاطر اوك عادي
لكن مو من حقه يطالب بجهازي القديم اللي شاريته من فلوسي عشان هو شرا جوال جديد لي حركه عيب ماتطلع المفروض من رجال
وبعدين اتا كل اجهزه جوالاتي اشتريها من فلوسي ولاعمري طلبته يشتري جوال لي من فلوسه ....

28 تعليق 4,552 مشاهدة

شاركي في النقاش

سجلي الدخول لإضافة تعليق.

التعليقات

26
  1. @snoayt_23

    فلوسي وفلوسي
    كأنك تتكلمين عن ولد الجيران
    تراه زوجك شريك حياتك
    عيب تفكرين كذا
    صح حريه شخصيه بس ماتستدعي كل ذا الزعل والعصبيه وتسوين مشكله من ولا شي
  2. اذا يبي الجوال لنفسه كون جواله معدوم مافيها شي تعطينه


    اما لو يبغى الجوال عشان يعطيه حد ثاني او يبيعيه يبغى قيمتها من حقك ترفضين

تابعي تجارب أخرى من هذا القسم.