التجمع - الاول - لحوامل شهر 🕊 يناير (١) & فبراير (٢) ٢٠٢٢ 🕊

اهلين بنات الله يتمم لكم على خير يارب ❤️ انا اخر دوره لي ٢٨ مارس وحامل بالاسبوع السابع بس رحت سويت سونار قبل يومين قالت مافي نبض والجنين مره صغير قد حبة الرز 🥺 ضاقت فيني الدنيا ونفسيتي زززفت لاني متأخره ٤ سنوات واول حمل لي كنت طايره من الفرحه 🥺 قالت لي تعالي بعد ١٠ ايام اذا مافي نبض خلاص مفروض ينزل 💔 انا صدري كان منفوخ ويألمني بس اليوم احس فش وصغر 😔 ولا فيه الم وقريت انه من اعراض الاجهاض🥺 تكفون دعواتكم لي

انا استخدم ١ ، الدكتوره سلطانه العنزي اذا تعرفينها والدكتوره نمشه الهاجري كانوا منزلين بوست ان ١ للي اقل من ٣٥ سنه ولا قد صار لهم اجهاض و ٥ للي عمرهم ٣٥ وفوق ، واللي اقل من ٣٥ وصار لهم اجهاضات تاخذ ٥

يسعد صباحكم بنات انا الى هاللحظه ماسويت تحليل دم ولا سونار ولا لي نيه الى بعد اسبوعين او ثلاث ان شاءالله ابغى اشوف الكيس والجنين سوا
لان سبق اجهضت قبل هالحمل
و ما ودي اتعب نفسي قبل لان اعرف كل شوي ترجعني وكل شوي تحاليل فتصير مع بعض افضل المهم انا تقريبا نهاية الأسبوع الخامس بكره ادخل بالسادس
ان شاءالله
جاني الاسبوع اللي راح غثيان وتعب وصدري الم بس اختفى الغثيان استغربت !
وكانت فيه حراره بجسمي والم بفخذي واختفى
بس مستمره على الفوليك
واليوم صحيت ولقيتني نايمه على بطني 🥺 يوم رفعت جسمي بتعدل مرررره اوجعني اسفل بطني ومكان الكليه المشكله هذي نومتي المعتاده اذا نمت مادري عن نفسي وانام على بطني حتى لو احط مخاد
برايكم متى أفضل وقت للكشف عن وجود كيس وجنين !!
ومتى يبدا الوحم بالغالب يعني
الله يسهل امرنا جميعاً

لو انك بالاسبوع السابع وقلتي بس كيس بدون جنين اقدر اقولك انه احتمال كبير ينزل لان هذا الشي صار لي ونزل
لكن دام قلتي موجود جنين صغير جدا اذا الاحتمال وارد يبين النبض بعد فتره قصيره ممكن حملك متأخر ترى يصير كثير لاتوسوسين ماعليك الا العافيه ان شاءالله

هلا ياقلبي شكراً لك ع ردك طمنيتني الله يتمم لك على خير❤️دامك بالاسبوع السادس انتظري اسبوعين انا مره ندمت اني كشفت بدري ، اخواتي مايسوون سونار الا بنهاية الثالث وماشاءالله كل وحده جايبه ٥ ولا ٤ الله يحفظهم ، بس انا عشاني بكريه ومتأخره من الفرحه رحت بدري ، واذا ع الغثيان ترى مو الكل يجيه اهم شي خلك ع حمض الفوليك ٥ وارتاح لاتجهدين نفسك الله يتمم لك على خير