كان الله في عونك يا اختي
عندي لك نصايح و ربي يوفقك
١. وهو الأهم وكلي أمرك لله ورددي حسبنا الله ونعم الوكيل
و اقرأي سورة البقرة واستغفري وادعي ان ربي يجعل كيده في نحره
الزواج مودة ورحمة والي كذا أساسا انا ما اعتبره زواج لان الأساس الي هو الرحمة والمودة مفقود مااقول الا حسبنا الله ونعم الوكيل
٢. استخيري واستشيري مختص ولو بالتلفون ابحثي عن الأرقام بالنت لكن الي كذا غالبا مايدوم لانه غدار
٣. واجهي الفكر بالفكر لازم الكل حولك يعرف الحقيقة
٤. لازم تثبتين بأي طريقة أفعاله وتصرفاته
٥. شيء مهم مهم جدا هل عندك مصدر دخل او هواية او اهلك يقدرون يساعدونك لازم تفكرين بهالنقطة عشان لاسمح الله
لو طلبتي الطلاق ما تتشتتين انتي وعيالك
ماقد سمعت زوج نرجسي استمرت معاه زوجته لانه مريض نفسي اذاه معتدي لغيره يعني مايؤذي نفسه يؤذي الآخرين ومع الايام لاسمح الله قد تجدين نفسك مصابة بأمراض الضغط والسكر وامراض أخرى وغيرها ساعتها مين الي بيساعدك؟
لا صحتك اهم منه
المهم جيبي ورقة وقلم واكتبي حسنات وسيئات زواجك وقرري
ترى نفسك لها حق عليك
انصحك نصيحة اعتبرها ذهبية ادخلي قناة اخت متخصصة مصرية في اليوتيوب اسمها سحر النادي راح تستفيدين كثيرررررر الانسانة هذي راااااائعة وراح تفهمين ليش يصير معاك كذا وراح يجيك أن شاء الله تعالى سلام داخلي المهم لا تفوتك قناتها وربي هذول الناس عندهم علم والعلم نور وياما أنقذت ناس مثلك
وبعد جاسم المطوع حلقات المشاكل الزوجية راح تتضح الصورة عندك ان شاءالله
على فكرة يمكن زوجك فعلا مريض نفسي
او عنده مشاكل ما احد يعرف عنها
لكن في كل الأحوال هذا مو ذنبك
ضربك لانه مقهور انك طنشتيه و كرامته المزعومة ماتسمح احد يطنشه يعني مسوي فرعون عليك الأفضل يصير فرعون على
احد ثاني إذا يقدر لكنه ضعيف وغدار
اسأل الله العظيم ان ينصرك وان يكتب له الهداية ان كان فيه أمل واذا مافيه حسبنا الله ونعم الوكيل على من يظلم زوجته الي تصبر عليه في الحلوة و المرة نسوا ان رسول الله وصى بالزوجة خير
واعذري اهلك ترى كل واحد فيه همه يمكن يحسبون ماعليك قاصر ويمكن لاهين
المفروض احنا ماننسى اهالينا بالشدة والرخاء وخيرك يكون لهم اول ناس لوجه الله أولا وثانيا عشان لو احتجتيهم تلقينهم واذا مالقيتي نتيجة لازم تلجئين بعد الله
للسلطات الرسمية .
اسفة على الإطالة لكني انقهرت عليك كثير وربي يفرح قلبك يارب .
ابغى استشاره(زوجي المتسلط النرجسي) من الحكيمات
متابعة النقاش، صفحة 2