التجمع العاشر لحوامل ستمبر (9) & أكتوبر (10) 2021 💓💙

السلام عليكم
صباح الخير ❤
من زمان عن التجمع مازلت عند اهلي وبرجع ان شاء الله نص ١١
وللان ماعرفت جنس الجنين 😣 ماحصلت موعد بعد العيد بالمستشفى اللي بمنطقة اهلي موعدي نهايى شهر ١٠ وان شاء الله ابشركم بنوع الجنين
وابدى اجهز واخلص
الايام اللي راحت كنت ضايقه من زوجي الله يسامحه طايح لي بسالفة امي تسمي بنت او ولد وانتي ماراح تسمين ابد 💔 وام زوجي تفكيرها تبي تسمي على اخوه ولو بنت على اخته الكبيره وعندها انه فخر يسمي على اخوه وخواته كلهن 😭 وحتى اخوه ناوي كذا يسمي عليه وعلى خواته تفكيرهم غريب 😶 يعني بناتي وبنات عمهم بيصيرون نفس الاسماء متكرره يكفي اول بنت على اسم امه وبنت عمها بعد نفس الشي تكرار مو حلو
مادري ليش تدخلت وسببت مشكله بيني وبين ولدها الله يسامحها ويسخرها لي هي وولده
خف حماسي لجنس الجنين بسببهم ادعو لي بنات ربي يسخرهم لي ويسمونه زي ما ابي ما احب اسمي على احد 💔

ان شاءالله يارب
و يطول بعمر والدينج

اكره شي مفترض تتفاهمين معاه انه من حقج انتي اللي اسمي مو احد غير
انتي اللي تتعبين مو هو ولا امه

الله يسخرهم لك يارب ويرزقك ماتتمنين
انتي لاتضايقين نفسك وتذكري ان الانسان مسمى قبل ينولد

انا زوجي نفسك اذا قعدت اشاوره بالاسامي يقول كل شي بوقته حلو
شكله حاط اسم براسه لأنه يحاول يغير الموضوع
ماودي اشغل نفسي بس شي يقهر قسم الله يسخرهم لنا ويلين روسهم😔