تباشير ٧ لمواليد شهر مايو ويونيو ٢٠٢١🎉💗💙🤱🎉

ربي يسهل عليك لا تخافي من الصناعي بالعكس يمكن يكون خيرة لك
أنا مجربته مرتين

ياحبيبتي طمنتيني انا مسويه عمليه من قبل ناسيتها قبل خمس سنوات سويتها ، يودونك كشك الولاده ولا عندي فوبيا من هالغرفه اذ ماعندي طلق

قصدي يعني يسووون لك تخطيط وكشف وكذا

لا ماراح انتظر الطلق اذ جالسه حرام اجرب الطبيعي والقيصري 🥴 ، الله ربي كاتبه بيصير وان شاء الله خير يارب .

مساء الخيرات
أكشني السريع
آخر زيارة لي قبل العيد كانت في الأسبوع ٣٨
وقالوا وزن الجنين زايد تعالي بعد العيد عشان نولدك وأخذت موعد يوم ٧العيد
بس أنا ما اقتنعت بالوزن الي قالوه ٣٥٠٠ لأنه مو واضح أبد وما عندنا هذه الأوزان بالعائلة عادة كلهم يجون صغار
المهم تأخرت ورحت بعد موعدي بيومين
وما كنت حاسة بطلق واضح صح فيه ضغط وهذا بدأ نهاية الثامن يعني متعودة عليه بس إنه زايد شوي

سويت سونار طلع الوزن ٣٣٠٠ والرحم تقول فاتح من ٢ إلى٣سم والضغط شوي مرتفع فاقترحت الدكتورة تولدني بما إني في الأسبوع ٣٩ وقد طلبت إبرة الظهر
فقالت احتمال يجيك الطلق في اي وقت والمفروض كنت أخذت موعد للولادة عشان تلحقين عالإبرة
المهم بسرعة دخلوني تنويم وسوتلي تحريض وأعطوني طلق صناعي وبدأ الطلق سريع والتوسع يزيد وألم ألم
الله يهديهم أخروا الإبرة وذقت الطلق بعد ما فتح ٥ سم عطوني الإبرة
وما كملت ساعة إلا وانا والدة ٤ دفات وشرفت بنوتتي
وطلع وزنها ٢٧٠٠😌
والحمدلله
وعقبال الباقيات يارب تولدون ولادات خفيفة وسهلةوسريعة ويحفظ ذرياتكم