شاركي في النقاش

سجلي الدخول لإضافة تعليق.

التعليقات

54
  1. غريبة دنيا
    عيب الكلام هذا اللي تقولينه وحرام وقطيعة رحم كيف تسجل كلام اخوانها ورسائلهم وتشتكي عليهم هذا غدر وخيانه لاخوانها واهلها كلهم اعوذ بالله وش هالنصيحه ترى الشكوى ع الزوج غير الاخوان الزوج يبقى غريب بس الاخوان منها وفيها واذا اشتك…
    هذا رأيي ووجهة نظري مالك شغل فيه
    اي نعم هذي تربية وافتخر ايضا بها
    اي ارضى بنتي تسجل لهم واوصيها على كذا
    تدافع عن نفسها بكل قوة لا للانبطاح
    ماهو عيب عليهم يشهدوا زور ويعصوا ربهم ويظلموا اختهم !
    ماهو عيب عليهم يخالفوا اوامر ربهم ويشهدوا زور ويخالفوا القانون !
    ماهو عيب عليهم يقفوا ا مع ولد الناس ويشهدوا ظلما وبهتان ضد اختهم المسكينة ويحرموها اولادها!
    ماهو عيب عليهم ولا حرام يحرموها حقوقها بالعيش الكريم يبغونها تعيش في بيت فيه ١٠٠ نفر فقط كذا تحكم!
    ماهو عيب ينكدوا حياتها عشان يحرموا عليها ما احل الله تعالى وهو الطلاق ان استحالت العشرة!
    لكن هي عيب تدافع عن نفسها عجبا لكم في اي زمن عايشين احنا
    لازم تنبطح وترضى بالذل والإهانة عشان العيب
    والحرام والقطيعة هم يبغونه هذا طلبهم
    وحدة بوحدة والبادي اظلم
    وداعا للانبطاحيين والضعفاء
    عجبا لك ورب البيت والف علامة تعجب والله!
    عيب وحرام كله على حساب الانثى الضعيفة
    اين الذكر من واجبه اتجاه العيب والحرام!
  2. والله اعلم بظروفها وحال اخوانها ولكن اشوف اذا تبغي بيت او شقة لوحدك قربي واحد من اخوانك خليه جنبك لو يسكن معاك حتى ترتاحي اكثر وكذا كسبتي اهلك ونظرة زوجك لك ،حاولي تسوين بيت اهلك عشاء او غداء وفهمي اخوانك بظروفك وسبب حاجتك لبيت مستقل عشان اولادك وراحتك النفسية وحتى لاتأثرين عليهم وعلى وضع اخوانك وزوجاتهم اذا كانوا متزوجين،وانا من رأي انك تسكني مع اولادك لوحدك لو بشقه تمليك وروحي زيارات دايمة لأهلك وخذي اولادك وأقعدي في البداية فترة طويله معاهم وكذا يبين الوضع عادي وبعد كم شهر بينشغلون عنك وعن التفكير بحياتك،،،، مهما كان لاتخسرين اخوانك وحاولي تكسبي عطفهم حتى تلاقيهم جنبك اذا احتجتيهم ماتدري وش الظروف في الأيام الجاية،،،وكثير من المطلقات ما احد يعرف بطلاقهم ولا ظروفهم ولا يتكلمون عن حياتهم ،والمجتمع لهم فقط اللي تظهريه لهم اللي تقول زوجها يشتغل بمكان بعيد عنها واللي تقول زوجها مسافر لأسباب
  3. @kot_akht_not

    قولي لها اليوم خصمك زوجك فقط لكن إذا تطلقتي يكثروا الخصوم طليقك ينازعك من جهه واخوانك من جهه وابنائك من جهة والمجتمع ينهش فيك من جهه
    قولي لها إذا عاديتي اهلك وزوجك معا فلن ينصفك احد ولو طالباتي بحقك بالمحاكم فالكل يمقتك لأن لأهلك معك ولا زوجك معك ولا انتي موظفة فتكوني عاصية للزوج والأهل ممقوته من الكل
    وتقول بتتوظف بعد الطلاق كيف تتوظف والدنيا كساد وظيفي في النطاق العام شي مخيف البيوت مليانه خريجات مو لاقي ربع وظيفة
    والخاص أغلبهم مايوظفوا الا على المظهر للاستعراض وصغر السن ورواتبهم زهيده جدا لاتفي بالأكل والشرب والمواصلات معا فكيف تفي بفتح بيت!!
    قولي لها نار الزوج ولا جنة الاهل
    وهي بزياده اهلها ضدها من الآن فكيف بعد الطلاق
    خليها تدور حل آخر لصلاح حالها تقوى علاقتها بالله.. ومن يتقي الله يجعل له مخرجا.. وترضى بقسمتها وماقدر الله لها وعليها وتحاول تصلح عيوبها وعيوب زوجها التي تعيق استمرار الزواج فإن لم تستطع تجعل زوجها يبقيها على ذمته يتزوج ويعيش مع الأخرى وهي تعيش على أبنائها في شقة مستقلة يدفع زوجها الإيجار ويصرف عليهم
  4. انا كمان اشوف أنه احسن تكون مع اهلها
    هذي عادات مجتمع كامل مافي داعي لتغييرها
    اذا لقت نفسها بعدين في ضرر عليها أو على اولادها من العيشه مع اهلها ممكن تفكر أنها تعيش لحالها ولو انه صعب عليها اشوف
    مافي داعي تخسر اهلها بعدين بتحتاجهم
    الله يكتب لها اللي فيه الخير
  5. @ghryb_dnya

    الملكة ام عنترة
    هذا رأيي ووجهة نظري مالك شغل فيه اي نعم هذي تربية وافتخر ايضا بها اي ارضى بنتي تسجل لهم واوصيها على كذا تدافع عن نفسها بكل قوة لا للانبطاح ماهو عيب عليهم يشهدوا زور ويعصوا ربهم ويظلموا اختهم ! ماهو عيب عليهم يخالفوا اوامر ربهم ويشهدوا زو…
    كل هالكلام وهالرد ع شان اخوانها رجال وغايرين وخايفيين عليها !!

    لكن مااقول الا امحق رائي وامحق نصيحه .

تابعي تجارب أخرى من هذا القسم.