💌التجمع (2️⃣7️⃣) لحوامل🍼مواليد يوليو واغسطس 2021

ماشاء الله ابدعت تبارك الرحمن👏🏻👏🏻👏🏻

الله يخليهم لك ويرزقك برهم

السلام عليكم ورحمة الله
اهلا بنات الله يتمم لنا جميعاً بكل خير وصحة وسلامة ويرزقنا لذة احتضان اجنتنا واحنا وهم باتم صحة وعافية وأكمل حال يارب
كنت معكم من اول تجمع واقرا ردودكم وماقد علقت أبدا أساساً توني أسجل ولكن من اول تجمع كنت معكم ويوميا ادخل وادعي لكم معي والله
طبعا انا بعد معاناة من الاجهاضات ولله الحمد ماشاء الله تبارك الرحمن والان بفضل الله ثم استخدام الكورتزون بالاضافة للابر السيولة والاسبرين يارب يتم حملي على خير
موعد ولادتي اذا ربي كتب ١٦ اغسطس ولكن اعتقد بكون قبلها لان قيصري تبعا لكلام دكتورتي وانه حمل عزيز تفضل قيصري عشان ربي يتمم على خير طبعا بنوتة يارب تقر عيني فيها وبسلامتها ماعندي اطفال
طبعا الى الان استخدم الكورتزون صحيح تدريجيا خففته لكن للان استخدم حبة صرت غير الدوفاستون حبتين وتحاميل سايكلوجست واسبرين وابر سيولة
لكن لاحظت من الشهر السادس بدت تنزل معاي افرازات بالضبط مثل قوام الماي وبالذات لمن اجلس او اتحرك اما لمن اكون منسدحة قليل وخفت تكون موية جنين كانو بيسوون لي فحص الحديدة وان اكح معها لكن خفت سوو مسحة طلع التهاب بكتيري واخذت مضادين بالوريد لمدة خمس أيام ، وللحين معاي وانا بالاسبوع ٢٩ وكم يوم تعبت نفسيا من التفكير ان تكون موية جنين اليوم مدري هي صدفة او لا بس عطست وحسيت شي تحت وشيكت طلعت رطوبة وخفت صراحة اقصد انها جت مع العطسة والا اغلب اليوم كل شوي ابدل ملابس داخليه من الرطوبة تعبت نفسيا ، كيف تفرقون بين موية الجنين والافرازات اللي قوامها مائي بحت
ويارب قرة الأعين والقلوب لي ولكم

الله يتمم عليك ويقر عينك سبحان الله نفس الادويه اللي اخذها باستثناء الكرتوزون
الله لايضيع لنا تعب ويقر عيوننا
شوفي حبيبتي اللي ينزل منك افرازات الحمل عاديه كان عند مثلك وسواس موية الجنين
بس صدقيني لما تنزل ماحتجي بس علي ملابس الداخليه اذا كانت قليله حتحسي فيها علي افخاذك
استودعي الله بنوتتك والحمدالله وصلتي الاسبوع ٢٩ يعني هانت باذن الله
اذا خايفه من الولاده المبكره تقدري تطلبي ابرة الرئه
والله يعينك علي الوسواس انا خف شوي لما عديت ٣٠ وارتحت نفسيا بعد ماخلصت ٣٣ اسبوع
لكن صدقيني مالك الا الدعاء والصدقه يوميا لو بريال وربك رحيم
استودعتك الله انتي ونقطتك 💕🌷

معقولة افرازات عادية وانا طول اليوم ملابسي الداخلية رطبة😢كل شوي ابدل تعبت نفسيا والله😭يارب ياكريم جميعاً ، قصدي اسبوع ٢٨ و٥ ايام بالحاسبة☹️

وليه يزيد اذا جلست هل ممكن يكون ثقب