تباشير ٧ لمواليد شهر مايو ويونيو ٢٠٢١🎉💗💙🤱🎉

ماشاءالله الف مبروك للولادات الجديده ♥️
مابقى شي وتخلص تباشير شهر مايو وندخل شهرنا 😭
احس بديت اخاف

‏لا حول لي إلهي ولا قوة إلا بك، أستسلم لك، أفوّض لك أقداري، ودنياي وأُخراي..
‏لا أملك من أمري شيء، ولا حيلة لي في شيء، في دفعِ شرٍ أو جلب خير إلا بإرادتك سبحانك..
‏عليك توكلت وإليك لجأت ومنك طلبت، وحاشاك أن ترد عبدك خائبًا .


هدى ردي بالله كم وزنها وكم لك اسبوع لما قلبت بنتك ؟

من علامات الولاده الاسهال روحي الطوارئ لا تجلسين

ما شاء الله ، الف الف مبروك و الحمد لله على سلامتكم 🤍

نظام عنايتي بدأت فيه من يومين فقط لاني رجعت البيت ، اول ما اصحى اخذ (حبة فوليك + حبة حديد + حبوب الرضاعه + ملعقة سمسم محمص ) و انتظر نصف ساعه و بعدها افطر شوفان بالحليب والعسل ومعاه كاجو كميه بسيطه جداً ، و بعدها ب ساعتين افطر فطور امي خبز وسمن و هالاشياء او عصيده بالحليب ، و انام بعدها اصحى اشرب مرق و اضيف له فتله من شاي الرضاعه الموجود في اي هيرب طعمه واجد لذيذ مع المرق و قطع دجاج او لحم او سمك حسب الموجود مع خضار و صحن سلطه و ضروري يكون فيها بقدونس وجرجير و كوب عصير برتقال طازج ، بعد الغداء ب ساعتين اخذ لي سلطة فواكه مع شوية مكسرات - وقت العصر اشرب لي كوب قهوه مع تمر معجون ب حب الرشاد و سمسم يكفوني 2 و قهوة امي فيها بهارات خاصه ، العشاء عباره عن دجاج او سمك مشوي مع سلطه و خضار في الاير فراير و كل يوم يتشكّل المنيو - و قبل النوم اخذ لي كاسة يانسون او نعناع مع ملعقة عسل .
النقاط المهمه :
بعد الشاور طبطبي على الجرح بفوطه معقمه و اتركيه يتهوّا .
بعد ما يجف استعمل بيتادين في قطن معقم و اطبطب خفيف على الجرح - واذا مو متوفر البيتادين اكتفي ب مسحات طبيه .
ادهن جسمي كل يوم ب زيت زيتون و البس دافي .
اكل ببطئ عشان ما يدخل الهواء في معدتي و يضايقني .
امشي وكل يوم ازيد مدة المشي لان المشي يساعد في التئام الجرح و يشيل دهون البطن ويشد .
كنت بداية الايام ما اقدر اسند ظهري ويكون مستقيم طبيعي ف خذيت لي عصا خشب وحطيتهم تحت كتفي من ورا ومسكتهم ب ساعدي عانيت في البدايه من الالم بس صرت اوقف ب استقامه ..
بالنسبه لي احاول ابتعد عن الكاربز فترة النفاس .
قبل وقت القهوه احاول اشفط حليب عشان تأثير الكافيين ..
و افضل وقت ل شفط الحليب فترة الليل و يحفظ الحليب في الفريزر لوقت الرضاعه يسخن ..
و تقريياً هذا جدولي اليومي ..