💌التجمع (2️⃣7️⃣) لحوامل🍼مواليد يوليو واغسطس 2021

يسعد مساكم يارب


كيف حالكم طيبين


اتوقع عرفتو شخصيتي اذا غبت معناته النفسيه ازفت من الزفت 😪


الله يعين اي شي عيني تدمع له حتى لو شي تافه😵‍💫
ماكنت كذا المشكله اني اكتم وبس اصير لحالي اقعد اشاهق ليته على شي يسوى
اعوذبك يارب من الهم والحزن وضيقة البال

ماشاءالله سواليفكم فاتتني


بالنسبه للاجهزه بنتي عمرها 12 بس علاقتي معها كصديقه اكثر
>> احيان انقهر من تصرفات زميلاتها هالعمر اندفاعي ومسوي روحه كبير
بس مااعلق ولا اناقشها بهواش عشان تعلمني بعدين اي شي
( صاحباتها مسوين مره قروب سناب واسم القروب صديقات السوء يمممه لما شفته انقهرررت بس مسكت اعصابي لازم انزل عقلي لتفكيرهم واقنعها ع قد عقلها مو على قد عقلي )
وصرت احمسها هالعمر يحب الاعمال اليدويه والتدوير وكذا
جبت لها سناره وصوف ونشتغل نفتح يوتيوب ونسوي زيهم


بالعيد خليتها هي تسوي توزيعات الاطفال




الان قلت لها لو اتقنتي شغل الصوف افتح لك قناة انستا وتبيعين >> يوووه ياحماسها ههههه

جزاكم الله خير بعد كلامكم قررت اجهز نص الكميه واحطها بالثلاجة لان تمريتي بزيت الزيتون احس مايحتاج فرزنه


والنص الثاني قريب الولاده ان شاءالله عشان اخذ منه للمستشفى بإذن الله
لاتنسون بنات خذو معاكم للمستشفى كمون وينسون وتمريه ورطب أقلها لو جعتي سواء وقت الطلق اذا تاخر أو بعد الولاده
الكمون واليانسون يخففون الغازات تطلبين منهم مويه ساخنه وانتي جهزيه

اما ولدي الله يعين ماادري عشان مايختلط ماااش معذبني حيل


مزاجي ومايعجبه شي والنطق ملخبط بس ماشاءالله ذكي مافيه شي
لكن العناد وكله من الاجهزه


لان كنت تعبانه وهو صغير وبس عالاجهزه لما اتذكر احيان يقعد عليه 5 ساعات تخيلو 🥺
بس كنت بوضع عايشه ومو عايشه الله المستعان والحمدلله ع الصحة والعافيه وابعد عنه بالشهر والشهرين 😪
لكن ان شاءالله اسيطر عالوضع والله انهم امانه الله يعيننا عليهم

اما بالنسبه للي تكلمو عن الرطوبه وكذا خاصه بعد العطس
هذا من ضعف عضلات الحوض ويعتبر بول مو موية جنين


لان لو موية جنين راح تتسرب بكل وقت


لاززززم اللي عندها هالشي تسوي تمارين كيجل بكل وقت


وتحاول تروح الحمام ماتمسك نفسها ابد


وتخلي المنطقه بتهويه بدون ملابس
وبتلاحظ الفرق ان شاءالله