االتجمع ١٨٤ للمقبلات علىى الحقن المجهري وأطفال الأنابيب❤️

انا الان اشرح لك من البداية بشرح مبسط


لما يتأخر الحمل اول شيء يبدأون بالفحوصات بالنسبة للمرأة وللرجل

المرأة كبداية يعملون لها خمسة تحاليل رئيسية ومهمه اللي هي توضح ان عندها تبويض او لا

عندها غدة او لا
عندها هرمون حليب مرتفع او لا
وغيرها من التحاليل

بس الخمسه اللي بالبداية مهمه عشان يعرفون ان اصلاً ممكن يكون عندها تبويض
اما الرجال
يسوون له تحاليل واشعه للبعض والاهم منهم كلهم تحليل السائل المنوي

عشان يشوفون ايش السبب بتأخر الانجاب

قد تكون اسباب عند المرأه وقد تكون عند الرجل وممكن ان ما يكون فيه سبب واضح

هنا يقترحون عملية الانابيب او الحقن المجهري اختصار لوقت الانتظار او في حالة ظهور مشكلة معينه


فكرة الانابيب والحقن متشابهه
اللهم ان غالباً يستخدمون الحقن المجهري اذا كان السبب الرئيسي من الزوج والفرق بينه وبين الانابيب

ان الحقن المجهري هم بالمختبر من نفسهم يغرسون الحيوان المنوي بالبويضه يعني بتدخل بشري

اما الانابيب يخلون البويضه مع الحيوان المنوي بالأنبوب وهو اللي يقوم بالدور وطبعا يدعمه انه يكون فيه حركه

عشان كذا صار الأغلب يلجأ للحقن المجهري بدلاً من الانابيب بالذات اذا صارت المشكله عند الزوج

طيب ايش هي خطواته
١. التحاليل الاوليه للزوج والزوجه
٢. يبدأ بناءا عليها الدكتور يختار الطريقة المتبعه
يعني يحدد انابيب او حقن مجهري حسب نتائج الفحوصات
وبعدها يحدد الطريقة المتبعه وفيه غالبا طريقتين إما طريقه طويلة يسمونها وهي تكون على دورتين يعني شهرين تمشين بإجرائاتها
او الطريقة القصيرة وهي على دورة وحده يعني اجرائاتها تخلص اسرع
وكل الطريقتين اللي يختارهم الدكتور بناء على عمر الزوجه وبناء ع تحاليالها او حتى على تجاربها السابقه
٣ . بعد الفحوصات واختيار الطريقه غالبا الدكاتره يعطون مهبط للمبايض مثل حبوب منع الحمل مثلاً عشان لما يبدأون تنشيط البويضات تكون مستعده اكثر
يعني بالمثل لما يقولون يصفرون العداد عشان يصير فيه اقباليه للتنشيط
ثم يسوون لك اشعة في ثاني يوم دوره عشان يقيسون درجة بطانة الرحم
لأن ما ينفع ابداً يبدون معك ابر التنشيط الا اذا كانت درجة بطانة الرحم اقل من خمسه
وطبعاً بطانة الرحم درجتها تختلف كل يوم عن الثاني
اذا سويتي الاشعه وكانت درجة بطانة الرحم اقل خمسه وع الاغلب تكون اقل من خمسه في ثاني او ثالث يوم دوره
يعطونك ابر التنشيط شرطها كل يوم تنوخذ بنفس الساعه ما تقدمين ولا تأخرين وتدقينها بأي مستوصف قريب او بنفس المركز اللي عملتي فيه الحقن
انا استمريت ع التنشيط ١٢ يوم تتخللها طبعا ٣ اشعات بين فتره وفتره عشان يشوفون ويتابعون تنشطت والا لا
وفي حال وصلت للعدد والدجة المطلوبه يعطونك الابره التفجيريه اللي تخلي البويضات مستعدة للسحب وهي شرطها انها تكون قبل عملية السحب ب ٣٦ ساعة بالضبط
وعندها تصير عملية سحب البويضات
وبنفس الوقت الزوج يقدم عينة الحيوانات المنويه
يلقحونها هم بمختبرهم وتتكون اجنه وينادونك بعد السحب من ٣ الى ٥ ايام عشان يرجعون الاجنه
تنتظرين بعدها ١٢ يوم ثم تحللين اذا حامل نجحت العملية
طبعاً بفترة ايام الترجيع يصرفون لك ادويه لازم تاخذينها بوقتها مثل مثبتات او مقويات وهكذا

الحمدلله الامور طيبه ،، تسلمي علي الاهتمام حبيبتي،،، الله يرزقنا جميعا ما نتمني

عطوني نصايح لبكره

كاتبين لي لازم ألبس فضفاض واصوم من الساعة ١٢ الليل

متوتره وخايفه
يارب اجعلها تساهيل