التجمع الحادي عشر لحوامل شهر ستمبر (9) & أكتوبر (10) 2021 💙💗

مساء الورد مامات 🌹
بالنسبه للرضاعه اذا ربي يسر لي بإذن الله ناويه ارضع طبيعي اول ٦ شهور بعدين ادخل الصناعي .
بالنسبه للتجهيز الغالب اني راح اجهز اون لاين بالنسبه للملابس و المهادات و كذا
بس يمكن اطلع طلعه وحده عشان السرير ابغى اشوف سرير نكست تو مي على الطبيعه و كذا
اما بالنسبه للشنطه و العربيه و الاشياء هذي بكل اولادي ااجلها لبعد الولاده لاني ما احتاجها
بالنسبه لشنطة المستشفى انا اولد بخاص فما يطلبون مني الا غيار واحد وقت الخروج بس الباقي كله عليهم صمن تكاليف الولاده يعني اخذ غيار للنونو واحد بس مع اغراضي
والله ييسر لنا يارب

اعتقد مو طبيعي المغص..بس المهم هل هو مستمر ولا متقطع!؟ احيانا احس بالام بس اذا تحركت او غيرت وضعيتي يختفي الالم..

حتى انا اليوم حسيت بالم وقت ما اتمدد واغير وضعيتي بالنوم احس الم خفيف اسفل البطن ..قلت بشرب موية كثير وارتاح اذا راح ولا بروح للدكتورة..

يااارب ..
حتى انا ناوية طبيعي باذن الله بس مو اكيد لان امي وخالتي سبحان الله ما ينزل معاهم حليب طبيعي ..حليبهم قليل ولا يشبع الطفل فيضطرون يدخلون صناعي ..انا مدري بيكون وضعي زيهم ولا لا ..لذلك هالقرار ومستلزماته بخليها للحظة الحقيقة يوم اولد بقرر 😅

الله يحفظك وجنينك طمنينا عنك ام مرول 🥺

مساااء الفل ..
امس كنت اشوف اسرة نكست تو مي بسنتربوينت لقيت كذا نوع باسعار متفاوته مدري عن مميزاتها وعيوبها ..بس زوجي مصر على سرير واحد خشبي وخلاص ..المشكلة مدري وين يبغانا نحطه غرفتنا صغيره 💔
احتياجات الطفل اول ما يولد في المستشفى هذه مو متاكدة منها ..انا بولد في خاص بس امكن خاص عن خاص يفرق!؟معرف
بس كويس اكون مطمنه اذا كانت اشياءه كامله مع اشيائي..
العربيه وكرسي السيارة وكرسي البيبي هذه بعدين باذن الله ناويه اجيبها خاصه قد تجي هدايا احيانا..