امور محزنه جالسين نشوفها في المنتدىو مجتمعنا 💔

السلام عليكم ورحمة الله وبركاته


انا عضوة جديده بالمنتدى كنت مره متحمسه له اني بستفيد او اقل شي اتكلم بمواضيع ماابي احد يعرفها بالمحيطين حولي بما اني مااعرفكم اقدر اتكلم لعلي احصل حل في امور كثيره لكن الصدمه كانت لي كبيره انا متاكده اكثر الي في المنتدى كبار بسن ومتزوجات يعني نقول عاقلة فاهمه واعيات بالاصح
لكن الي اشوفه عكس ✖️ والله بعض التعليقات انحرج لمن اقرها واحزن من رغم الموضوع مايخصني وبعض الاحيان يدخلني الحزن لمن اشوفها الانسانه المؤمنه تكون خلوقه طيبه حتى لو قراة شي مو زين اقل شي تسكت لا تعلق وتكتم غيضها او قهرها لانك بتسيئين لنفسك
انا اشوف كثير بنات يسيؤون الظن ليه انا وانتي وهيه حياتنا ابد ماتشبه لبعض حتى تفكيرنا انا اشوف بنات يكتبون مواضيع يفتقدون التعبير عشان توصل المعلومه وتجتهد عشان توصل المعلومه وتجيك وحده تشككه في مصداقيتها ولا يتريقون او يشمتون والله احزن ليه الوحده ماتدخل المنتدى بقلب سليم مع الناس حاولي ماتدخلين بنيه سيئه حاولي تفهمين تسالين ولا اسكتي عشان ماتخذين اول شي ذنب ثاني شي يمكن تشوف تعليقة وتنجرج وتدعي عليك اتقو شر الدعاء والله اني اخاف من الدعاء واخاف من اسيئ النيه لدرجه مااحب اعلق اشوف قبل انا لا اسجل في المنتدى كنت على طول اسوي سيرج على قوقل واقراء تعليقات اقسم بالله اني احزن شماته وكلام وضحك وطقطقه على البنت وتكذب اذا ماعجبك الموضوع لا تعلقي ولا تكذبي ولا تسوي شي اطلعي من الصفحه انتبهو انتبهو من كسر الخواطر عند الله عظيم والله اني اتكلمة من امر يحزن المنتدى للستفاده مو لتجريح انا قلتلكم فالبدايه سجلة فالمنتدى استفيد واتكلم في مواضيع اجهلها ابي احد يساعدني ماابي احد من المحيط الي حولي يسمعها او يحس فيها قلت اشتكي واتكلم لعلى وعسى احصل حل لمشاكلي لكن من بعد ماشفت هونت لاني من النوع الي يتاثر بسرعه ولو وحده غلطة اكتم غضبي مااحب اطلعه لان والله مااحب اجرح عشان مااكسب ذنب ولا احد يدعي علي لكن للاسف فيه ناس كبيره بعقول اقل من عمرها وتحط نفسها موقف محرج وبخصوص البنات الي يكتبون مواضيع حساسه ومفروض ماتنقال قبل كم يوم وحده تتكلم عن موضوع صدمني واضح عليها مراهقه الي اقوله ابتعدو عن الشبهااااات وبرضو ابي انوه على شغله قبل الوحده تعلق على مشكلة وحدة اخرى استشعري موقفها اذا ماقدرتي تستشعرينه تذكري اكثر موقف او موضوع اوجعك ولا احد قدر يفهمك او يفهم تفكيرك وعقليتك عشان تقدرين تتقبلين الحور اذا مااستشعرتي بهذا الموقف لاتهاجمي احد بالكلام لان ماتدري يمكن بعدها بتنحطين نفس هذا الموقف وتحتاجين احد اقلها يلمك بدعوه صادقه تحل موضوعك لكن الشي الوحيد الي تاكدة منه ان الله وحده سبحانه هو الوحيد الي مايجرحك وا يسيئ فهمك او نيتك الشي الوحيد الي مراح اتخلى عنه اني اشكي بثي وحزني الي الله سبحانه الله وحده حبيبي وصديقي الذي اشكي له لانه احن علي من والدي سبحانه

واسفه اني طولة بالموضوع واتمنى انو وصلت المعلومه على قد ماحولت اوصلها ونصيحه استشعرو بوجود الله معكم في كل امر مو بس في امور الدين استشعرو الله حتى في امور حياتكم في اصغر تفاصيل يومكم واسال الله العلي العظيم رب العرش العظيم ان الله يرزقنا بكل مانتمنى ويرزقنا صدور سليمه معافة وان الله يجعل اول همنا واخر همنا الاخره ويرزقنا التوبه الصالحه وحسن الخاتمه واتمنى ان كل وحده تسامحني اذا كان كلامي في اي خطاء او تجريح ♥️