💌التجمع (2️⃣8️⃣) لحوامل🍼مواليد يوليو واغسطس 2021

بولدي ليته نشف الحليب من نفسه ، خير شر ماقدرت ارضعه الله يسامح من كان السبب 🙃

ذكرتيني بسالفة الموانع وما ادراك مالموانع
انا مجربة الواقي بعد الطفل الاول و الحبوب بعد الطفل الثاني وهذي المرة ماعندي نية آخذ حبوب خصوصًا مع الكلام عن اللقاح والجلطات لاني طولت عليها زمان وهي من الاساس تزيد فرص الاصابة بجلطات ..

اللولب النحاسي اخاف يتحرك وانا من النوع اللي يتحرك ويدف ويشيل ويحط

و العزل مو مضمون 🚶🏼‍♂️خلينا نولد على خير بعدين نفكر

موون خوفتيني خلاص بهجد 🥺 هذا الحمل بدأت التقلصات من الشهر السادس وبيتي فيه درج فطالعه نازله فصرت أوسوس بالولاده المبكره بس يارب يتمه على خير .. أحس لو دخلت الأسبوع الـ ٣٠ شوي برتاح ..
.
وبخصوص البجامه اخذت مقاس من ٥ إلى ٦ سنين والخامه تجننننن ماشاء الله لكن المقاس حيجي قدها وعمرها ٧ سنين على خير <<< أقصد من ناحية الطول بالرغم اني أحس بنتي مو قصيره ولا طويله لكن طبعاً نحيفه وعظمتها صغيرة وكل شيء اشتريه لازم تصغير من الجوانب ..
.
أتوقع مقاسات المواليد تجي بالضبط قد الوزن .. وسبحان الله أمي تجيبنا كبار من ٣ ونص إلى ٤ كيلو فطبعاً الي زي أمي ماينفع تأخذ المقاس الأول .. لكن سبحان الله العوامل الوراثية تلعب دور كبيررررر .. لأنه ابويا وأمي نحاف وقصار في طفولتهم وشبابهم .. وبالرغم انها تجيبنا كبار .. أول ما نعدي السنة نبدأ ننحف ويصغر حجمنا ولمن ندخل المدارس يحطونا أول شيء في الطابور 😂 ..

موضوع الوراثه والجينات نفسي أبحث عنه لكن أفضل يكون على شكل كتاب ومعلومات مرتبه ومتكامله ويكون الكاتب كاتب المراجع من فين جاب المعلومات ..
.
لأنه أحس حتى الأطباع يجي منها شيء وراثه وشيء مكتسب .. أشوف بنتي الصغيره تسوي نفس حركاتي وأنا صغيرة نفس الصنقرة وحتى وقت التصوير نفس الحركات تسوي بالرغم انها ما شافتني وأنا صغيره ؟! كيف كدا 😂
.
فلهذا صرت أفكر الي بتتزوج دحين كمان تفكر في أطباعها وأطباع أهلها وأطباع أهل زوجها لأنه حيجي خليطي في عيالها لكن اعتقد العوامل المكتسبه ممكن يكون تأثيره أقوى .. تهذب أطباع طفلها وكدا من بدري لأنه طبعاً كلنا نملك الأطباع الجميلة والشينة 🙈..

سوسو شكراً على الإفاده 😘 اشتريت منشر خاص للمولود 😂 لأني مااستخدمه خير شر مع المجفف لكن دحين ملابس النونو حتتغسل لحال ومسحوق خاص بيه ومن غير مجفف ..
.
بعد ٦ شهور على خير حيصير حاله حالنا 😂 إن شاء الله ماراح يتدلع .. لكن المواليد ي قلبي عليهم 🥺♥️ أمس شوفت الملابس صرت أحضنها 😭♥️ خلاص اشتقت لنونو صغير <<< هذي نهاية الي تطول ما بين حملاتها 🥺💔 ..

عن سالفة الاطباع وهم صغار صادقة شفت هالشيء حولي، بالناس اللي اعرفهم وهم صغار سبحان الله يكون عندهم طفل مثل تصرفاتهم بالطفولة 😱
بنت اختي نفس طريقة اختي في سرد الحكاوي وهي صغيرة،ونفس الفذلكة والززززعل نفسه والنوم القلق زي امها ..وعيالها الباقين مو مثلها

المشكلة انك ماتضمنين اش الصفة اللي تورثينها انتِ وزوجك لعيالك 😂