انا استعرت معرف اختي عشان اشرح لكم مافي داخلي الحمدلله من أسره ميسورة موظفه ولدي راتب جيد انا ام وزوجه ولدي اطفال زي الورد الحمدلله باره في امي فوق الوصف لا ارفض لها طلب ووفرت لها البيت والسياره والشغالة والمصروف وتكفلت بعلاجها متى مااحتاجت اخواتي الكبار لا اقصر معهم أبدا لا بالفلوس ولا الهدايا ولا العطايا اخواني الكبار ساعدتهم في زواجهم بدفع المهر وشراء الذهب واخواني الصغار وقفت معهم حين توفي والدي وربيتهم الى جانب امي حتى حصلوا على الشهادات ولم اقصر معهم لا بشراء السيارات ولا الجوالات
معاناتي الان اني أعاني من الأذى من وحده من اخواتي البنات وهي الكبيرة رغم انها تكبرني ب١٣ سنه وذلك بسبب الغيرة لأني باره بامي وبسبب الشهاده ليتني مااخذتها
اخوي اللي زوجته وأعطيته فوق ٧٠٠ الف وساعدته بالبيت يكرهني كره جنوني بسبب الأقاويل اللي طلعتها علينا زوجته الله يهديها والسبب اني أعامله كابني وهو يناديني بأمي والآن يكرهني بسبب زوجته ووالله ويشهد الله اني ماعاملتهم اللي بالحسنى
مشكلتي الان انا صاحبه طاعه من صلاه ونوافل وصيام
وصدقات وكافله أيتام من الى حتى بالعيد شريت لهم ملابس العيد ومقاضيه كامله وحاجات شهر رمضان كامله وتكفلت بدراسه ابنهم بمدرسه اهليه لانهم وافدين ماعندهم فلوس
سؤالي حبيباتي ليه يصير معي كذا ولا هو غرور ولكني ارى أهل النميمه والتفرقه والتحريش خالتهم الآسريه فوق السحاب
وانا دمار مع اختي الكبرى واخي الأوسط
الصراحة اختي ماعاد تهمني لان شرها عام للكل
لكني اخي اللي احبه اكثر من أولادي ودفعت له مهر زوجته فوق ٨٠ الف ودفعت تكاليف الحفل اللي أقيم بفندق وتكاليف الذهب ليه يعاملني كذا ليه يصدق. فيني وانا احلف له على القران وأقول جعل ربي يبتليني بالسرطان كان سويت هذا الشئ
حسبي الله ونعم الوكيل
دلوني وادعولي
شاركي في النقاش
سجلي الدخول لإضافة تعليق.
التعليقات
35- درس لك فلوسك وشقاء عمرك ماتصرفينها غير على نفسك وعيالك وأمك وأبوك بسسسسسس بسسسسسسسس بسسسسسسسسسس كنتِ كريمة أكثر أكثر من اللازم واستخدموك صرافة واستغلوا طيبتك من الآخر لا ترجين شيء من أخوك الأيام جاية تعلمه قدرك ومقدارك انسييييه
- طنشيه استغفر الله هذا ما عنده قلب الي يسمع كلام زوجته عمر ما بيفرح ولا يستانس في حياته
مرحمة طنشيه استغفر الله هذا ما عنده قلب الي يسمع كلام زوجته عمر ما بيفرح ولا يستانس في حياته
دعواتكم تعبانه جدا اخر شي سوته زوجته سرقت نسخه من مفتاح شقتي القريبة منهم واستغلت غيابي ودمرت شقتي وسرقت أغراضي وأواني المطبخ وملابس اطفالي واحذيتهم ولما علمته قال كذب رغم ان كل اغراض بيتي عندهم في بيتهم مدري كيف ماانتبه ولما سالتها أنكرت رغم ان حتى طاوله الأكل حقت مطبخي حصلتها في مطبخها وحصلت شاشه البلازما مكسره ومهشمه والرسيفر مقطع وعيون الفرن مسروقه
وأفكر اشكيها للمحكمه حتى تحلف اليمين الغموس وحتى يظهر صدقي قدام اخوي- أول شيء اللي عطيتيه أمك مو خساره فيها لأنها أمك
ثاني شيء أختك اللي تغار منك صدقيني مو لحالك اعرف كثيرررر خوات متقاطعات ولا يكلمون بعض الا برسميه هذا وهم شقيقات يعني مو خوات من أب ولا من أم ، ولك في قصة يوسف مع أخوته عبره لما كادو له بسبب تميزه عنهم ، وأنتي ماحطتك براسها الا لأنك متميزه عنها الله يكفيك شرها
بالنسبه إنك تعطين أخوانك ويجحدونك استغفر الله ماودي احرض بس لو مكانك والله مايشمون ريال رجال طول بعرض يدبرون أنفسهم وفلوسي أطفالي أولى فيها بكره بيكبرون وبتكبر مصاريفهم اجمعي فلوسك لهم
أنا حاسه فيك وبألمك النفسي لأن زي ماقال الشاعر : وظلم ذوي القربى أشد مضاضة على النفس من وقع الحسام المهند يعني ظلم المقربين يجي كأنه طعنة بالسيف
وأخيراً ياحبيبتي تذكري إن احنا بدنيا دار إبتلاء وهم وغم والرابح اللي يطلع منها ماله مظلمة لأحد
بس تعالي وش هالوظيفة اللي جبتي منها هالبيوت والمهور والذهب والسيارات علمينا نقدم عليها هههههههههههه😂😂😂😂😂😂😂😂😂😂😂😂😂😂😂 أم دودو وبوبو أول شيء اللي عطيتيه أمك مو خساره فيها لأنها أمك ثاني شيء أختك اللي تغار منك صدقيني مو لحالك اعرف كثيرررر خوات متقاطعات ولا يكلمون بعض الا برسميه هذا وهم شقيقات يعني مو خوات من أب ولا من أم ، ولك في قصة يوسف مع أخوته عبره لما كادو له بسبب …
ياحبيبتي انا معي ماجستير وموجهه بالتعليم العام وعندي موسسه مقاولات لكن قفلت نشاطها بعدما سافروا العماله وجت ازمه كورونا
عقبال لك
مواضيع مشابهة
تابعي تجارب أخرى من هذا القسم.